Bakı İstintaq Təcridxanasında saxlanılan C.Cəfərzadənin Lökbatan qəsəbəsi ərazisində gizlətdiyi 19 kiloqram 100 qram marixuana aşkar edilərək götürülmüşdür

14.05.2022

Ədliyyə Nazirliyinin Penitensiar Xidmətinin Bakı İstintaq Təcridxanası və Qaradağ Rayon Polis İdarəsi əməkdaşlarının Cinayət Məcəlləsinin 234-cü (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddəsi ilə Bakı İstintaq Təcridxanasında saxlanılan C.Cəfərzadənin ətrafında apardıqları əməliyyat tədbirləri ilə onun Lökbatan qəsəbəsi ərazisində gizlətdiyi 19 kiloqram 100 qram marixuana aşkar edilərək götürülmüşdür.

Binəqədi rayonu ərazisindəki evlərin birindən pul, qızıl-zinət əşyaları və bank kartı oğurlamaqda şübhəli bilinən R.Talıbzadə saxlanılmışdır

14.05.2022

Binəqədi RPİ 4-cü PŞ əməkdaşlarının keçirdikləri əməliyyat-axtarış tədbirləri nəticəsində aprelin 7-də rayon ərazisindəki evlərin birindən 620 manat pul, 500 manat dəyərində qızıl-zinət əşyaları və bank kartı oğurlamaqda şübhəli bilinən Bakı şəhər sakini R.Talıbzadə saxlanılmışdır.

Sumqayıt şəhər sakini D.Məmmədəliyevdən 420 qram marixuana aşkar edilərək götürülmüşdür

14.05.2022

Sumqayıt ŞPİ əməkdaşlarının keçirdikləri əməliyyat tədbiri nəticəsində şəhər sakini, əvvəllər məhkum olunmuş D.Məmmədəliyev saxlanılmışdır. Şəxsi axtarış zamanı ondan 420 qram marixuana aşkar edilərək götürülmüşdür.

Abşeron rayonunun Masazır qəsəbə sakini R.Mirzəquliyevdən 300 qram marixuana götürülmüşdür

14.05.2022

Abşeron RPİ əməkdaşlarının keçirdikləri əməliyyat tədbiri nəticəsində Masazır qəsəbə sakini, əvvəllər məhkum olunmuş R.Mirzəquliyev saxlanılmışdır. Şəxsi axtarış zamanı ondan 300 qram marixuana aşkar edilərək götürülmüşdür.

Sabirabad şəhər sakini R.Fərzəliyevin evindən marixuana, həyətyanı sahəsindən isə çətənə kolları aşkar edilərək götürülmüşdür

14.05.2022

Sabirabad RPŞ əməkdaşlarının keçirdikləri əməliyyat-axtarış tədbirləri nəticəsində şəhər sakini, əvvəllər məhkum olunmuş R.Fərzəliyevin evinə baxış zamanı oradan 360 qram marixuana, həyətyanı sahəsindən isə kultivasiya yolu ilə yetişdirilmiş 10 ədəd çətənə kolu aşkar edilərək götürülmüşdür.

Goranboy rayonunun Şıxlar kənd sakini S.Qasımovdan qanunsuz saxladığı ov tüfəngi götürülmüşdür

14.05.2022

Goranboy RPŞ əməkdaşlarının keçirdikləri əməliyyat tədbiri nəticəsində Şıxlar kənd sakini S.Qasımovdan qanunsuz saxladığı “İJ-16” markalı ov tüfəngi götürülmüşdür.

Suraxanı rayonunda son 1 ayda keçirilən əməliyyatlar zamanı narkotiklərin qanunsuz dövriyyəsi ilə məşğul olan və silsilə oğurluqlar edən ümumilikdə 109 nəfər saxlanılıb

14.05.2022

Suraxanı Rayon Polis İdarəsinin əməkdaşları tərəfindən son 1 ayda keçirilən əməliyyatlar zamanı narkotiklərin qanunsuz dövriyyəsi ilə məşğul olan ümumilikdə 95 nəfər saxlanılıb. Aşkar edilən bütün faktlarla əlaqədar İdarənin İstintaq Şöbəsində cinayət işləri başlanılıb. Saxlanılan şəxslərdən 80-i barəsində məhkəmə tərəfindən həbs, 15-i haqqında isə polisin nəzarəti altına vermə qətimkan tədbiri seçilib. Onlardan ümumilikdə 21 kiloqram narkotik vasitə və psixotrop maddə aşkar edilib. Saxlanılardan 11-i birbaşa olaraq Suraxanı və paytaxtın digər ərazilərində narkotik maddələrin satışına nəzarət edən şəxslər olublar.

Gün ərzində törədilmiş 64 cinayətin üstü “isti izlər”lə açılmışdır

13.05.2022

Respublikanın daxili işlər orqanları tərəfindən gün ərzində törədilmiş 64 cinayətin üstü “isti izlər”lə açılmışdır.

Şamaxı şəhəri ərazisində rayon sakini Ş.Hacıyevi aralarında yaranmış münaqişə zəminində öldürməkdə şübhəli bilinən M.Rizvanov “isti izlər”lə tutularaq istintaqa təhvil verilmişdir

13.05.2022

Şamaxı rayon Polis Şöbəsinə mayın 14-ü saat 1 radələrində şəhər ərazisində rayon sakini, əvvəllər məhkum olunmuş Şəfayət Hacıyevin bıçaqla və daşla vurularaq öldürülməsi barədə məlumat daxil olmuşdur.Dərhal rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilmişdir.Araşdırmalarla Ş.Hacıyevin aralarında yaranmış münaqişə zəminində M.Rizvanov tərəfindən öldürməsinə əsaslı şübhələr müəyyən edilmişdir.Şamaxı RPŞ əməkdaşlarının keçirdikləri əməliyyat-axtarış tədbirləri nəticəsində  M.Rizvanov “isti izlər”lə tutularaq istintaqa təhvil verilmişdir.Hazırda cinayət işi üzrə zəruri istintaq tədbirləri davam etdirilir.

Salyan rayonunun Xələc kəndi ərazisində “Mercedes”, “VAZ-2106” və “VAZ-2107” markalı avtomobillər toqquşmuşdur

13.05.2022

Mayın 13-də saat 21 radələrində Salyan rayonunun Xələc kəndi ərazisində rayon sakinləri A.Günəşovun idarə etdiyi “Mercedes” markalı, A.Hüseynovun idarə etdiyi “VAZ-2106” markalı və E.Qarayevin idarə etdiyi “VAZ-2107” markalı avtomobillər toqquşmuş, “Mercedes” markalı avtomobil idarəetməni itirdiyindən yolun kənarında velosiped sürən rayon sakini Balabəy Quluzadəni vurmuşdur. Nəticədə velosipedçi aldığı xəsarətlərlə xəstəxanaya aparılarkən yolda ölmüşdür.Baş İstintaq və Təhqiqat İdarəsi tərəfindən araşdırma aparılır.