Bakı şəhər sakini Sərxan İmaməliyev üzləşdiyi dələduzluq faktı ilə bağlı DİN-in “Facebook” səhifəsi vasitəsilə etdiyi müraciətinə operativ baxıldığına və Yasamal RPİ-nin 29-cu Polis Şöbəsində müvafiq araşdırmalara başlanıldığına görə DİN rəhbərliyinə təşəkkürünü bildirir.

Sumqayıt şəhər sakini Xəyal Yusifzadə üzləşdiyi problemlə bağlı DİN-in “Instagram” səhifəsinə yazdığı mesajına operativ reaksiya verildiyini və Baş Dövlət Yol Polisi İdarəsindən onunla əlaqə saxlanılaraq məsələnin aydınlaşdırıldığını qeyd edərək DİN rəhbərliyinə və Baş Dövlət Yol Polisi İdarəsinin əməkdaşlarına təşəkkürünü bildirir.

Sumqayıt şəhər sakini Nicat Şərifzadə DİN-in “Facebook” səhifəsinə mesaj yazaraq üzləşdiyi problemlə bağlı müraciətinə operativ baxıldığını, Sumqayıt ŞPİ-nin Dövlət Yol Polisi Şöbəsi tərəfindən qısa müddətdə araşdırma aparılaraq müvafiq tədbirlərin görüldüyünü və müraciətinin müsbət həll olunduğunu qeyd edir. 
N.Şərifzadə müraciətinə həssas yanaşıldığına və həyata keçirilən operativ tədbirlərə görə DİN rəhbərliyinə və Sumqayıt ŞPİ DYPŞ-nin əməkdaşlarına təşəkkürünü bildirir. 

Bakı şəhər sakini Zümrüd Məmmədova üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Nəsimi RPİ-nin rəhbərliyinə və şəxsi heyətinə minnətdarlığını bildirir. 

Bakı şəhər sakini Əbülfət Əzimli üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Bakı Şəhər Dövlət Yol Polisi İdarəsinin rəhbərliyinə və əməkdaşlarına təşəkkürünü ifadə edir. 

Bakı şəhər sakini Ramiz Tanrıverdiyev sürücülük vəsiqəsinin yenilənməsi ilə əlaqədar etdiyi müraciətə operativ reaksiya verildiyinə, eləcə də veteran hərbçi olaraq ona qarşı göstərdikləri diqqət və qayğıya görə Baş Dövlət Yol Polisi İdarəsinin rəhbərliyinə və əməkdaşlarına minnətdarlığını yazır.

Bakı şəhər sakini, kitabxana müdiri Samirə Nəsirova ictimai asayişin və təhlükəsizliyin təmin olunmasında, vətəndaşların qanuni mənafelərinin, hüquq və azadlıqlarının, konstitusion hüquqlarının, eləcə də kitabxananın inzibati binasının, həmçinin həyətyanı sahəsinin etibarlı qorunmasında xidməti vəzifə borclarını layiqincə yerinə yetirdiklərinə görə Azərbaycan Polisinə, Xəzər Rayon Mühafizə İdarəsinin rəhbərliyinə və əməkdaşlarına təşəkkürünü bildirir. 

Sosial şəbəkə istifadəçisi Kəmalə Məhərrəmova öz təşəkkür məktubunda müraciətinə həssaslıqla yanaşılmasına və ona dəymiş maddi ziyanın ödənilməsinin təmin edilməsinə görə Lənkəran ŞRPŞ-nin rəhbərliyinə öz təşəkkürünü bildirir.

Astara rayon sakini Cavad Mirzəyev DİN rəhbərliyinə ünvanladığı təşəkkür məktubunda müraciətinin obyektiv şəkildə araşdırılmasına görə Lənkəran ŞRPŞ-nin əməkdaşlarından razılığını ifadə edir.