Vətəndaş Hacı Mehdiyev DİN-in “Instagram” səhifəsinə təşəkkür mesajı yazıb. O, müraciətinə operativ baxılmasına və ona hüquqi izahın verilməsinə görə Nərimanov Rayon Polis İdarəsinin əməkdaşlarına təşəkkürünü bildirir.

Sosial şəbəkə istifadəçisi Aybəniz Məlikova DİN-in “Instagram” səhifəsinə təşəkkür mesajı yazıb. O, vətəndaş müraciətlərinə göstərilən diqqətə və operativliyə görə polis əməkdaşlarına təşəkkürünü bildirir.

Bakı şəhər sakini Mübariz Poladov məktubunda müraciətinə həssaslıqla yanaşılmasına, göstərilən diqqət və qayğıya görə DİN-in rəhbərliyinə minnətdarlığını ifadə edir.

Ağcabədi rayon sakini Xədicə Həsənova müraciətinin müsbət həllinə görə DİN rəhbərliyinə minnətdarlıq edir.

Bakı şəhər sakini Nəriman Atakişiyev müraciətinin müsbət həllinə görə DİN rəhbərliyinə təşəkkürünü bildirir.

Qazax rayon sakini Camoy Qurbanov teleqramında rayon ərazisində ictimai asayişin etibarlı qorunmasına və cinayətkarlığa qarşı aparılan qətiyyətli mübarizə tədbirlərinə görə Qazax Rayon Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Oğuz rayon sakini İnqilab Xələfov teleqramında Azərbaycan Respublikasının daxili işlər naziri tərəfindən Oğuz rayonunda keçirilən vətəndaş qəbulunda iştirak etdiyini, müraciəti üzrə müvafiq tapşırıq verildiyini qeyd edir. O, vətəndaş müraciətlərinə, o cümlədən onun müraciətinə həssas yanaşılmasına görə DİN rəhbərliyinə və Oğuz Rayon Polis Şöbəsinin əməkdaşlarına minnətdarlığını bildirir.  

Vətəndaş Nigar Qasımova DİN-in “Instagram” səhifəsinə təşəkkür mesajı yazıb. O, avtomobil yollarında təhlükəsizliyin etibarlı təmin olunmasına, humanistliyə, xoş rəftarlarına və nəzakətli davranışılarına görə Yasamal Rayon Dövlət Yol Polisi Şöbəsinin əməkdaşlarına minnətdarlığını bildirir, çətin və şərəfli işlərində uğurlar arzulayır.  

Vətəndaş Sürəyya Məmmədova DİN-in “Instagram” səhifəsinə təşəkkür mesajı yazıb. O, iyulun 12-də səhər işə gedərkən metroda qəfil səhhətinin pisləşdiyini, bu zaman orada xidmət aparan polis əməkdaşlarının ona ilkin tibbi yardım göstərdiklərini bildirir. 
S.Məmmədova humanistliyə, vətəndaşlara göstərdikləri diqqətə və qayğı ilə yanaşmalarına görə Metropolitendə Polis İdarəsinin əməkdaşlarına minnətdarlığını bildirir.