Lənkəran şəhər sakini Səhər Nəhmətova DİN rəhbərliyinə ünvanladığı təşəkkür məktubunda vətəndaşların müraciətlərinə həssaslıqla yanaşılmasına və xidməti vəzifələrinin öhdəsindən layiqincə gəldiklərinə görə Lənkəran ŞRPŞ-nin əməkdaşlarına minnətdarlığını ifadə edir.

Lənkəran şəhər sakini Nəzakət Əkbərova DİN rəhbərliyinə ünvanladığı təşəkkür məktubunda bölgələrdə təşkil olunan vətəndaş qəbullarına, edilən müraciətlərə operativ yanaşılmasına və qaldırılan məsələlərin həllini tapmasına görə minnətdarlığını bildirir.

Biləsuvar şəhər sakini Eldar Hüseynov DİN rəhbərliyinə ünvanladığı təşəkkür məktubunda şəhid ailələrinə, qazilərə göstərilən diqqətə və qayğıya, vətəndaş müraciətlərin obyektiv şəkildə araşdırılmasına görə Biləsuvar RPŞ-nin rəhbərliyinə minnətdarlığını ifadə edir.

Biləsuvar rayon sakini Elməddin Əliyev DİN rəhbərliyinə ünvanladığı təşəkkür məktubunda evindən oğurluq edən şəxsin qısa zamanda müəyyən edilərək saxlanılmasına və ona dəymiş maddi ziyanın tam şəkildə ödənilməsinin təmin edilməsinə görə Biləsuvar RPŞ-nin əməkdaşlarına minnətdarlığını bildirir.

Bakı şəhər sakini Ərəstun Oruclu DİN rəhbərliyinə ünvanladığı təşəkkür məktubunda  yazır ki, “Bir neçə il əvvəl bir məsələylə bağlı digər bir güc strukturuna müraciət etmişdim. Müraciətim adekvat qarşılandı və mən milli təhlükəsizliyimizə xaricdən ola biləcək təhdidlə bağlı fikirlərimi bölüşdüm. Yanılmamışdım.  Bu dəfə də feysbukda  cinayətlərin açılması barədə yazacağım paylaşımlar haqda fikrimi bildirdim. DİN etiraz etmədi. Bu məni çox sevindirdi. Qeyd edim ki, ölkədə dövlət-vətəndaş münasibətlərinin nizamlanması və qarşılıqlı etimadın yaranması son dərəcə zəruridir. Hər şey qarşılıqlı təşəbbüsdən başlayır. Dövlət-vətəndaş münasibətlərinin tənzimlənməsi sadə sxem üzrə baş tutur: müraciət-reaksiya-ünsiyyət-müzakirə-nəticə. Odur ki, bir vətəndaş olaraq bu sxemə öz töhfələrimizi verməliyik”.

Azərbaycan Jurnalislər və Yazıçılar Birliyinin üzvü Əlmaniz Ələkbərli  DİN-ə ünvanladığı məktubunda  yazır ki, yaşadığı Zaqatala rayonundan olan İkinci Qarabağ savaşında şəhidlik zirvəsinə ucalanların ailələrinə baş çəkib, onlarla müsahib olub. XTQ komandiri olmuş şəhid İsmayıl Səmədovun atası Məhəmməd Əsədov rayonda şəhid ailələrinə olan diqqət və qayğıdan danışıb. Şəhid  Nail Abakarovun atası Müzəffər Abakarov DİN rəhbərliyinə müraciət etdikdən sonra digər oğlunun polis orqanlarına qəbul olunmasına görə minnətdarlığını bildirib. Şəhid  valideynləri həm də cinayətkarlığa, narkomanlığa və narkotik vasitələrin yayılmasının qarşısının alınması üçün  ciddi mübarizə apardıqlarına, asayişi etibarlı şəkildə qoruduqlarına görə Azərbaycan Polisinə təşəkkür ifadə ediblər. 
Ümumilikdə on səkkiz ailə ilə görüşən Əlmaniz Ələkbərli Vətən savaşında tək övladı şəhid olan analarla da görüşüb, söhbət edib. Onlar da ölkə və DİN rəhbərliyinin diqqət və qayğısı ilə əhatə olunduqlarını bildiriblər.

Vətəndaş Nurlan Musayev Daxili İşlər Nazirliyinə ünvanladığı məktubunda mənzilində baş vermiş oğurluq hadisəsi ilə bağlı Binəqədi Rayon Polis İdarəsinin 43-cü Polis Bölməsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və ona dəymiş maddi ziyanın tam ödətdirildiyini qeyd edir. 

Bakı şəhər sakini Hüsniyyə Bəşirbəyli ünvanlandığı məktubunda rayon ərazisində ictimai asayişin və ictimai təhlükəsizliyin etibarlı qorunmasına və vətəndaş müraciətlərinə həssaslıqla yanaşılmasına görə DİN rəhbərliyinə və Yasamal Rayon Polis İdarəsinin əməkdaşlarına təşəkkürünü bildirir.  

Vətəndaş Elşən Yəhyayev pozulmuş hüquqlarının bərpası ilə bağlı DİN-ə etdiyi müraciətə operativ baxıldığını, Yasamal Rayon Polis İdarəsində obyektiv araşdırma aparılaraq müsbət həll olunduğunu qeyd edərək DİN rəhbərliyinə və DİO əməkdaşlarına təşəkkürünü bildirir.