Sumqayıt şəhər sakini Xanməmməd Mürsəlov mobil telefonunu itirməsi ilə əlaqədar etdiyi müraciətə həssaslıqla yanaşılaraq qısa zaman kəsiyində tapılmasında, eləcə də işlək vəziyyətdə ona qaytarılmasında göstərdikləri köməkliyə görə Sabunçu RPİ 15-ci Polis Bölməsinin rəhbərliyinə və əməkdaşlarına minnətdarlığını yazır.

Vətəndaş, II qrup əlil Məzahət Mahmudova üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Xızı Rayon Polis Şöbəsinin rəhbərliyinə və əməkdaşlarına təşəkkürünü bildirir. 

Gəncə şəhər sakini Kənan Fətəliyev DİN rəhbərliyinə ünvanladığı təşəkkürdə şikayətinə tez bir zamanda baxılaraq itirdiyi əşyasının tapılmasında ona göstərdikləri köməkliyə görə Azərbaycan Polisinə təşəkkürünü bildirir. O, vətəndaş müraciətlərinə həssaslıqla yanılmasını yüksək dəyərləndirir.

Yazar Taleh Həmidin oğlu Cəlal Babayev sosial şəbəkə üzərindən müraciətinə  operativ şəkildə baxılaraq onu narahat edən məsələnin nəzarətə götürələrək müsbət həllini tapmasında göstərilən köməkliyə görə DİN rəhbərliyinə təşəkkürünü bildirir. 

Bakı şəhər sakini Vəfa İsgəndərova şikayətinə tez bir zamanda baxılaraq müsbət həllini tapmasında ona göstərdikləri köməkliyə görə Səbail RPİ-nin 41-ci Polis Bölməsinin əməkdaşlarına təşəkkürünü bildirir. O, Azərbaycan Polisinin ayıq-sayıq xidmətini yüksək dəyərləndirir və uğurlar diləyir.

Vətəndaş Elvir Mustafazadə şikayətinə tez bir zamanda baxılaraq ona dəyən ziyanın ödənilməsində göstərdikləri köməkliyə görə Nəsimi RPİ-nin 21-ci Polis Bölməsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasının polis-vətəndaş münasibətlərinin daha da yaxşılaşmasına zəmin yaratdığını qeyd edir.

Bakı şəhər sakini Həsən Əliyev Daxili İşlər Nazirliyinə ünvanladığı məktubunda gecə-gündüz yorulmadan xidmət aparan, ictimai asayişi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə təşəkkürünü bildirir, çətin və şərəfli xidmətlərində uğurlar arzulayır.  

Bakı şəhər sakini Elburus Yusifov məktubunda Azərbaycan Respublikasının daxili işlər naziri tərəfindən aprelin 7-də keçirilən növbəti sıra baxışında seçilən 61 nəfəri Vətən müharibəsinin iştirakçısı arasında onun nəvəsinin də olduğunu qeyd edir. O, Vətən müharibəsi iştirakçısı olan nəvəsinin daxili işlər orqanlarında xidmətə qəbul olunmasına görə sevinclərinin həddi-hüdudu olmadığını yazır. 
E.Yusifov şəhid ailələrinə, onların övladlarına, həmçinin qazilərə, Vətən müharibəsi iştirakçılarına göstərilən yüksək diqqət və qayğıya görə DİN rəhbərliyinə minnətdarlığını bildirir. 

Jurnalist Fərid Abdinov “Facebook” sosial şəbəkəsindəki hesabında Azərbaycan polisinə təşəkkür postu paylaşaraq ictimailəşdirib. O, postunda adını bilmədiyi Yol Patrul Xidməti əməkdaşının onun təklifi ilə iki xəstə uşağı olan aztəminatlı bir ailəyə maddi yardım göstərdiyini qeyd edir, adını bilməsə də həmin əməkdaşa və onun timsalında humanist və qayğıkeş Azərbaycan polisinə təşəkkürünü bildirir.