DİN-in rəsmi “İnstagram” səhifəsinin izləyicisi “_sadece_sen_ol” hesabından səhifəyə videogörüntü göndərib. O, hamilə vəziyyətdə olan bir qadının xidməti avtomobildə xəstəxanaya çatdırılmasında köməklik göstərən Xəzər RPİ-nin əməkdaşlarına təşəkkürünü bildirir.

Jurnalist Əvəz Hafizli şəxsi “Facebook” səhifəsində Baş Mühafizə İdarəsinin Quba regional Mühafizə Şöbəsinin əməkdaşı, polis nəfəri Bəxtiyar Səlimovun fotosunu yerləşdirərək minnətdarlıq statusu paylaşıb. O, B.Səlimovun maddi yardıma ehtiyacı olan vətəndaşa köməklik göstərdiyini qeyd edib.

Ə.Hafizli sonda yazıb: “Belə polislərimizi görəndə insan qürur duyur. Təşşəkür!”

Bakı şəhər sakini Yeganə İsgəndərova Daxili İşlər Nazirliyinə ünvanladığı məktubunda üzləşdiyi dələduzluq faktı ilə bağlı müraciətinə Baş Mütəşəkkil Cinayətkarlıqla Mübarizə İdarəsində operativ baxıldığını qeyd edir. O, müraciətinin qısa müddətdə araşdırılaraq müsbətt həll edildiyinə və ona dəymiş maddi ziyanın ödətdirilməsində göstərilən köməkliyə görə BMCMİ-nin əməkdaşlarına təşəkkür edir.

Bakı şəhər sakini O.Məmmədova Daxili İşlər Nazirliyinə ünvanladığı teleqramda pozulmuş hüquqlarının bərpası ilə bağlı İnsan Alverinə Qarşı Mübarizə Baş İdarəsinə müraciət etdiyini qeyd edir.

O, müraciətinə operativ baxıldığına, qısa müddətdə araşdırılaraq müvafiq tədbirlərin keçirildiyinə və pozulmuş hüquqlarının bərpa edildiyinə görə DİN rəhbərliyinə və İAQMBİ-nin əməkdaşlarına minnətdarlığını bildirir.

DİN-in Facebook səhifəsinin izləyicisi olan “Gündəlik Bakı” qəzetinin baş redaktoru Habil Vəliyev işğaldan azad edilmiş Zəngilan rayonuna səfər etmək üçün səhifə vasitəsilə etdiyi müraciətinə operativ baxılaraq müsbət həll olunduğuna görə DİN rəhbərliyinə minnətdarlığını bildirir.

Bakı şəhərinin Xəzər rayonu Albalılıq massivində yaşayan Bəhruz Nurullayev və Məhəmməd Babayev Daxili İşlər Nazirliyinə ünvanladıqları məktubda rayon ərazisində xidməti fəaliyyətlərini layiqincə yerinə yetirən Xəzər RPİ 2-ci Polis Şöbəsinin əməkdaşlarına təşəkkürlərini bildirirlər.

Zaqatala rayon sakini T.Əhmədova Daxili İşlər Nazirliyinə ünvanladığı teleqramda pozulmuş hüquqlarının bərpası ilə bağlı İnsan Alverinə Qarşı Mübarizə Baş İdarəsinə müraciət etdiyini qeyd edir.

O, müraciətinə operativ baxıldığına, qısa müddətdə araşdırılaraq müvafiq tədbirlərin keçiridiyinə və pozulmuş hüquqlarının bərpa edildiyinə görə İnsan Alverinə qarşı Mübarizə Baş İdarəsinin əməkdaşlarına minnətdarlığını bildirir.

DİN-in “İnstagram” səhifəsinin izləyicisi Fərid Abışov səhifə vasitəsilə etdiyi müraciətə operativ reaksiya verildiyinə və müsbət istiqamətdə həll edildiyinə görə yenidən yazaraq DİN rəhbərliyinə və Nəsimi RPİ-nin əməkdaşlarına təşəkkür edir.

“Facebook” istifadəçisi, Bakı şəhər sakini Esmira Cavadov sosial şəbəkə üzərindən etdiyi müraciətə operativ reaksiya verildiyinə və müsbət istiqamətdə həll edildiyinə görə DİN rəhbərliyinə təşəkkür edir. E. Cavadova qeyd edir: “Bu gün öyrəndim ki, DİN rəhbərliyi social şəbəkələr üzərindən gələn mesajları da şəxsi nəzarətinə götürür, sonadək nəzarətdə saxlayır, nəticəsini tələb edir. Təşəkkür edirəm.”