Vətəndaş Leyla Həsənova DİN-in “Facebook” səhifəsinə təşəkkür mesajı yazıb. O, tələbə olduğunu, dərsdən qayıdarkən qəfil tələbə yoldaşının səhhətinin pisləşdiyini və həmin vəziyyətdə yaxınlıqda xidmət aparan polis əməkdaşının onları şəxsi avtomobili ilə xəstəxanaya çatdırdığını qeyd edir.
L.Həsənova humanistliyinə, vətəndaşlara diqqət və qayğısına görə Azərbaycan Polisinə, həmçinin onlara köməklik göstərən, adını bilmədiyi Mühafizə Polisinin həmin əməkdaşına minətdarlığını bildirir.

Vətəndaş Vüqar Suvarov Daxili İşlər Nazirliyinə ünvanladığı məktubunda narkotiklərin qanunsuz dövriyyəsi hallarının qarşısının alınması ilə bağlı müraciətinə operativ reaksiya verildiyini, Nizami Rayon Polis İdarəsinin əməkdaşları tərəfindən müvafiq tədbirlərin həyata keçirildiyini qeyd edir. O, müraciətinə obyektiv baxıldığına, həmçinin bununla bağlı həyata keçirilən tədbirlərə görə DİN rəhbərliyinə minnətdarlığını bildirir. 

Vətəndaş Zərin Abdullazadə öz məktubunda belə operativliyə, gecəli-gündüzlü gərgin fəaliyyətə, cinayətkarlığa qarşı apardıqları qətiyyətli mübarizəyə görə DİN rəhbərliyinə və İnsan Alverina Qarşı Baş Mübarizə İdarəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Vətəndaş Təranə Hacıyeva ünvanlandığı məktubunda ölkə ərazisində ictimai asayişin və ictimai təhlükəsizliyin etibarlı qorunmasına və vətəndaş müraciətlərinə həssaslıqla yanaşılmasına həmçinin cinayətkarlıqla qətiyyətli mübarizə aparıldığına görə DİN rəhbərliyinə və DİO əməkdaşlarına təşəkkürünü bildirir, çətin və şərəfli işlərində polis əməkdaşlarına uğurlar arzulayır.

Vətəndaş Rauf Həsənov ictimai asayişin və ictimai təhlükəsizliyin təmin olunmasına görə DİN rəhbərliyinə və xidməti vəzifələrini layiqincə yerinə yetirən ƏÇPA əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Vətəndaş Əlisafa Vəlizadə Daxili İşlər Nazirliyinə ünvanladığı məktubunda pozulmuş hüquqlarının bərpası ilə bağlı Baş Dövlət Yol Polisi İdarəsinə müraciət etdiyini qeyd edir. O, müraciətinə operativ baxıldığına, qısa müddətdə araşdırılaraq müvafiq tədbirlərin keçiridiyinə və pozulmuş hüquqlarının bərpa edildiyinə görə DİN rəhbərliyinə minnətdarlığını bildirir.

Bakı şəhər sakini Qalib Muradlı məktubunda DİN rəhbərliyinə təşəkkürünü bildirir. O, bir müddət əvvəl üzləşdiyi problemlə əlaqədar etdiyi müraciətinə operativ baxıldığını, Suraxanı Rayon Polis İdarəsi tərəfindən müvafiq köməklik göstərilərək aidiyyəti üzrə yönəldildiyini və qısa müddətdə probleminin araşdırılaraq müsbət həll olunduğunu qeyd edir. 

Vətəndaş Hafiz Yaqubov narkotik istifadəçiləri ilə bağlı etdiyi müraciətinə həssas yanaşıldığına, yüksək peşəkarlıqla keçirilmiş operativ tədbirlərlə özünün və ailəsinin təhlükəsizliyinin təmin olunmasına görə DİN rəhbərliyinə və DİO əməkdaşlarına minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır. 

Vətəndaş Taleh Mustafayev şəhər ərazisində avtomobil yollarında təhlükəsizliyin etibarlı təmin olunmasına, yol polisi əməkdaşlarının moped sürücülərilə bağlı keçirdikləri nəzarət tədbirlərinə diqqət çəkir, onların şəhər yollarının təhlükəsizliyi üçün gördükləri tədbirlərin təqdirəlayiq olduğunu qeyd edir.