Vətəndaş Ayşən Əzimova hüquqlarının pozulmması ilə bağlı etdiyi müraciətə həssaslıqla yanaşılaraq qısa zaman kəsiyində bərpa olunmasında göstərdikləri köməkliyə, eləcə də diqqətə və səmimiyyətə görə Azərbaycan Polisinə təşəkkürünü ifadə edir. 

Sosial şəbəkə istifadəçisi Aynaxanım İsmayılova travel şirkətlərindən birinin rəhbəri olduğunu, bir müştərinin şirkətin xidmətlərindən yaralandığını, lakin ödəniş etməkdən boyun qaçırdığını yazır. Bildirir ki, polisə müraciət etdikdən sonra həmən müştəri ertəsi gün borclu qaldığı məbləği ödəmişdir. Bununla əlaqədar, göstərdikləri köməkliyə görə Azərbaycan Polisinə minnətdarlığını yazır.

Bakı şəhər sakini Gülnar Paşayeva üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Nərimanov Rayon Polis İdarəsinin rəhbərliyinə və əməkdaşlarına təşəkkürünü bildirir. 

Bakı şəhər sakini Aslan Eyubov DİN-in “Instagram” səhifəsinə təşəkkür mesajı yazıb. O, yolda olarkən avtomobilində nasazlıq yarandığını və bu zaman ərazidə xidmət aparan polis əməkdaşları tərəfindən ona zəruri köməyin göstərildiyini qeyd edir.
A.Eyubov polis əməkdaşlarının belə nəzakətli davranışlarına görə DİN rəhbərliyinə təşəkkürünü bildirir.

Sosial şəbəkə izləyicisi Samir Baxşiyev DİN rəhbərliyinə ünvanladığı təşəkkür məktubunda müraciətinə həssas yanaşılaraq, operativ və obyektiv reaksiya verdiklərinə görə Azərbaycan Polisinə təşəkkürünü bildirir.

Sosial şəbəkə izləyicisi Aysel Qəhrəmanova DİN rəhbərliyinə ünvanladığı təşəkkür məktubunda qeyd edrir ki, DİN rəhbərliyinə etdiyi müraciətdən sonra Abşeron Rayon Polis İdarəsindən onunla əlaqə saxlanılıb. Müraciətinə həssas yanaşılmasına və səmimi qəbula  görə təşəkkürünü bildirir.

Bakı şəhər sakini, müğənni Nura Suri DİN rəhbərliyinə ünvanladığı təşəkkür məktubunda yazır: “Sosial şəbəkədə təhqir olunmağımla əlaqədar DİN-nin Facebook səhifəsinə müraciət etdim. Müraciətimə tez bir zamanda, operativ  baxıldı və məni təhqir edən şəxs qısa zaman kəsiyində tapıldı. Azərbaycan Polisinə, ələxüsus da Bakı şəhər Baş Polis İdarəsinin şəxsi heyətinə dərin minnətdarlığımı bildirirəm.”

Bakı şəhər sakini Rəşad Hüseynov DİN rəhbərliyinə ünvanladığı təşəkkür məktubunda “Google” şirkəti adı altında “Leobank kartından 274 manatın silinməsilə əlaqədar müraciətinə operativ baxılmasına, səmimi qəbula və göstərilən köməkliyə görə Pirallahı Rayon Polis İdarəsinin  şəxsi heyətinə minnətdarlıq ifadə edir.

Bakı şəhər sakini Ayelin Zöhrəbova DİN rəhbərliyinə ünvanladığı təşəkkür məktubunda etdiyi müraciətə həssaslıqla yanaşılaraq probleminin tez bir zamanda aradan qaldırılmasında və hüquqlarının bərpasında göstərilən köməkliyə görə Azərbaycan Polisinə minnətdarlıq ifadə edir.