Vətəndaş Aqşin Aşurov DİN-in “Instagram” səhifəsinə təşəkkür mesajı yazıb. O, səhifə vasitəsilə ünvanladığı müraciəti ilə əlaqədar obyektiv araşdırma aparıldığını və  qısa müddətdə müsbət həll olunduğunu qeyd edərək DİN rəhbərliyinə təşəkkürünü bildirir. 

Bakı şəhər sakini Elçin Əfəndiyev “Facebook” sosial şəbəkəsindəki hesabında Azərbaycan Polisinə təşəkkür postu paylaşıb. O, hesabında paylaşaraq ictimailəşdirdiyi müraciətinə Daxili İşlər Nazirliyi tərəfindən operativ reaksiya verildiyini və müvafiq araşdırmalara başlanıldığını qeyd edərək DİN rəhbərliyinə və Azərbaycan Polisinə təşəkkürünü bildirir.

Vətəndaşlar Yavər Xəlilov və Əlzamin Mamedov xidməti vəzifələrini və peşə fəaliyyətlərini layiqincə yerinə yetirdiklərinə görə Kəlbəcər RPŞ-nin əməkdaşlarına minnətdarlıq edirlər.

Vətəndaş Sərxan Cəfərov məktubunda müraciətinə diqqətlə yanaşılmasına və göstərilən köməkliyə görə Nəsimi Rayon Polis İdarəsinin əməkdaşlarına və DİN rəhbərliyinə təşəkkürünü bildirir.

Vətəndaş Elmira Səlimova məktubunda paytaxtın Suraxanı rayonu ərazisində polis əməkdaşları tərəfindən sosial neqativ halların, o cümlədən narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə görə DİN rəhbərliyinə və Suraxanı Rayon Polis İdarəsinin 31-ci Polis Bölməsi əməkdaşlarına minnətdarlığını bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.  

Vətəndaş Həcərxanım Bedəlova məktubunda üzləşdiyi dələduzluqla bağlı müraciətinə həssas yanaşılmasına və ona dəymiş ziyanın tam ödənilməsində göstərilən köməkliyə görə Yasamal Rayon Polis İdarəsi əməkdaşlarına təşəkkürünü bildirir.

Sosial şəbəkə istifadəçisi Pərvanə Ələsgərova DİN-in “Instagram” səhifəsinə təşəkkür mesajı yazıb. O, müraciətinin qısa müddətdə həll olunmasında göstərilən köməkliyə görə DİN rəhbərliyinə və Nərimanov Rayon Polis İdarəsinin əməkdaşlarına təşəkkürlərini bildirir. 

Sosial şəbəkə istifadəçisi Natavan Məmmədova DİN-in “Facebook” səhifəsinə təşəkkür mesajı yazıb. Müraciətinə diqqətlə yanaşılmasına və  ona dəymiş maddi ziyanın tam ödənilməsinə görə DİN rəhbərliyinə təşəkkürünü bildirir.

Sosial şəbəkə istifadəçisi Vəfa İsmayılova DİN-in “Instagram” səhifəsinə təşəkkür mesajı yazıb. O, ünvanladığı müraciətinə operativ baxıldığına və probleminin həll edilməsində göstərilən köməkliyə görə Bakı Şəhər Baş Polis İdarəsinin əməkdaşlarına təşəkkürünü bildirir.