Abşeron rayon sakini Həsən Abdullayev mobil telefonunun oğurlanması ilə əlaqədar etdiyi müraciətə həssaslıqla yanaşılaraq qısa zaman kəsiyində tapılmasında, eləcə də işlək vəziyyətdə ona qaytarılmasında göstərdikləri köməkliyə görə Sabunçu RPİ 13-cü Polis Bölməsinin rəhbərliyinə və əməkdaşlarına minnətdarlığını bildirir.

_amamedov adlı sosial şəbəkə istifadəçisi içərisində şəxsiyyət, sürücülük vəsiqələrinin, iki bank kartının olduğu pul kisəsini itirməsi ilə əlaqədar etdiyi müraciətə operativ reaksiya verilərək qısa zaman kəsiyində tapılmasında göstərdikləri köməkliyə görə Binəqədi RPİ 5-ci Polis Bölməsinin rəhbərliyinə və əməkdaşlarına təşəkkürünü ifadə edir.

Daşkəsən rayon sakini Elsevər Cəfərov DİN-ə ünvanladığı təşəkkür məktubunda etdiyi müraciətlə əlaqədar Rayon Polis Şöbəsində aparılan araşdırmalarla bağlı razılığını bildirir, görülən işlərə görə DİN rəhbərliyinə və RPŞ-nin əməkdaşlarına minnətdarlığını ifadə edir.

Bakı şəhər sakini Göyçək Novruzova DİN-in sosial şəbəkələrdəki səhifəsi vasitəsilə etdiyi müraciətinə operativ baxılaraq qısa müddətdə həll olunmasına görə DİN rəhbərliyinə təşəkkürünü bildirir.

Bakı şəhər sakini Elnur Mustafayev məktubunda övladının itkin düşməsi ilə bağlı Xəzər RPİ-nin 3-cü Polis Bölməsinə müraciət etdiyini yazır. O, polis əməkdaşlarının keçirdikləri təxirəsalınmaz əməliyyat tədbirləri nəticəsində uşağın qısa zamanda tapılaraq ailəsinə təhvil verildiyini qeyd edir, göstərilən operativliyə görə 3-cü Polis Bölməsinin əməkdaşlarına minnətdarlığını bildirir.

Bakı şəhər sakini Töhfəxanım Abdullayeva Daxili İşlər Nazirliyinə ünvanladığı məktubunda Səbail RPİ-nin 39-cu Polis Bölməsinin əməkdaşlarının vətəndaş müraciətlərinə həssas yanaşdığını, diqqət və obyektivlik göstərməklə xidməti vəzifələrini layiqincə yerinə yetirdiklərini qeyd edərək belə polis əməkdaşlarına görə DİN rəhbərliyinə və həmin polis bölməsinin əməkdaşlarına təşəkkürünü bildirir.

Bakı şəhər sakini Mətanət Salahova ünvanladığı müraciətinə operativ baxıldığını, Səbail Rayon Polis İdarəsinin 9-cu Polis Bölməsi tərəfindən obyektiv araşdırılaraq qısa müddətdə müsbət həll olunduğunu qeyd edərək minnətdarlığını bildirir.

Türkiyənin İstanbul şəhərində yaşayan Kəbutər Haqverdiyeva müraciətinə həssas yanaşıldığına və göstərilən köməkliyə görə DİN rəhbərliyinə və DİN-in Türkiyədəki nümayəndəliyinin əməkdaşlarına minnətdarlığını bildirir.

Quba rayon sakini Pəri Əliyeva üzləşdiyi problemlə bağlı müraciətinə operativ baxıldığına, obyektiv araşdırılaraq qısa müddətdə müsbət həll edilməsində göstərilən köməkliyə görə DİN rəhbərliyinə və Quba RPŞ-nin əməkdaşlarına minnətdarlığını bildirir.