Vətəndaş Elvin Quliyev DİN rəhbərliyinə ünvanladığı təşəkkür məktubunda xidməti vəzifələrinin öhdəsindən layiqincə gəldiyinə, eyni zamanda narkotiklərin dövriyyəsinin qarşısının alınmasında qətiyyətli mübarizə apardıqlarına görə öz təşəkkürünü bildirir.

Qafqazinfo.az saytının redaktoru Hüseyn Məmmədsalahov müraciətinə operativ şəkildə baxıldığına, eyni zamanda xidməti və vəzifə borclarını layiqincə yerinə yetirdiklərinə görə DİN rəhbərliyinə və Suraxanı Rayon Polis İdarəsinin əməkdaşlarına minnətdarlığını bildirir.

Bakı şəhər sakini Amil Məmmədov müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Baş Dövlət Yol Polisi İdarəsinin əməkdaşlarına minnətdarlığını bildirir.

"Azia.az" saytının redaktoru Səhər Manafova Daxili İşlər Nazirliyinə ünvanladığı məktubunda qızına məxsus mobil telefonun oğurlanması faktı ilə bağlı müraciətinə operativ baxıldığını, araşdırma aparılaraq müvafiq tədbirlərin görüldüyünü və oğurlanmış telefonun onlara qaytarıldığını qeyd edir. 
S.Manafova müraciətlərə diqqətlə yanaşıldığına və operativliyə görə DİN rəhbərliyinə və Bakı şəhər Baş Polis İdarəsinin əməkdaşlarına təşəkkürünü bildirir.

Vətəndaş Murad Allahverdiyev DİN-in “Instagram” səhifəsinə təşəkkür mesajı yazıb. O, üzləşdiyi problemlə əlaqədar etdiyi müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə və Binəqədi RPİ 5-ci Polis Bölməsinin əməkdaşlarına minnətdarlığını bildirir.

Bir qrup Şirvan şəhər sakini DİN-ə ünvanladıqları təşəkkür məktubunda xidməti vəzifələrini və peşə fəaliyyətini layiqincə yerinə yetirdiklərinə görə DİN rəhbərliyinə və Şirvan ŞPŞ-nin əməkdaşlarına minnətdarlıqlarını bildirirlər.

Vətəndaş Məmməd Mamedov “Facebook” sosial şəbəkəsindəki hesabında Azərbaycan polisinə təşəkkür mesajı paylaşıb. O, Gəncə şəhəri ərazisində yol hərəkətinin yüksək səviyyədə təşkilinə, yol hərəkəti iştirakçılarının təhlükəsizliyinin etibarlı təmin olunmasına, yol polisi əməkdaşlarının apardıqları profiklaktik və maarifləndirici tədbirlərə görə DİN rəhbərliyinə və Gəncə Şəhər Baş Polis İdarəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Sumqayıt şəhər sakini Rəşad Salmanov Daxili İşlər Nazirliyinə ünvanladığı məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

Vətəndaş Əli Rzayev DİN-in “Instagram” səhifəsinə təşəkkür mesajı yazıb. O, məişət səs-küyü barədə etdiyi müraciətinə operativ baxılaraq müvafiq tədbirlər görüldüyünə və müraciətinin müsbət həll edildiyinə görə DİN rəhbərliyinə və Nəsimi RPİ-nin əməkdaşlarına təşəkkürünü bildirir.