Bakı şəhər sakini Taleh Məmmədov Daxili İşlər Nazirliyinə ünvanladığı məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Sumqayıt Şəhər Polis İdarəsinin 2-ci Polis Bölməsinin əməkdaşlarına minnətdarlığını bildirir, çətin və şərəfli xidmətlərində uğurlar arzulayır.  

Bir qrup Bərdə rayon sakini DİN-ə ünvanladıqları təşəkkür məktublarında xidməti vəzifələrini layiqincə yerinə yetirən Bərdə Rayon Polis Şöbəsinin əməkdaşlarına minnətdarlıqlarını bildirirlər.

Bakı şəhər sakini Seymur Cəfərli Daxili İşlər Nazirliyinin “İnstagram” səhifəsinə ünvanladığı mesajında üzləşdiyi yol-nəqliyyat hadisəsi ilə bağlı Yasamal Rayon Polis İdarəsinin 29-cu Polis Şöbəsində obyektiv araşdırma aparılaq məsələyə hüquqi qiymət verildiyi və müvafiq tədbirlərin görüldüyünü bildirir. O, göstərilən diqqət və qayğıya, eyni zamanda müraciətinin müsbət həllinə görə DİN rəhbərliyinə və Yasamal Rayon Polis İdarəsinin əməkdaşlarına minnətdarlığını bildirir.

İsmayıllı rayon sakini Ramiq Pirvəlizadə müraciətinə həssas yanaşıldığına və göstərilən köməkliyə görə DİN rəhbərliyinə və İsmayıllı Rayon Polis Şöbəsinin əməkdaşlarına minnətdarlığını bildirir. 

Vətəndaş Rasim Mansurov ona məxsus pul qabını itirməsi ilə bağlı müraciətinə operativ baxılaraq tez bir zamanda tapılıb ona təhvil verilməsində göstərdikləri köməkliyə görə Nərimanov RPİ 16-cı Polis Bölməsinin əməkdaşlarına təşəkkürünü bildirir. O, Azərbaycan Polisinin gərgin xidməti fəaliyyətini təqdir edir.   

Vətəndaş Kəmalə Dadaşova müraciətinə operativ baxılaraq həllini tapmasında göstərdikləri köməkliyə görə Yasamal RPİ 26-cı Polis Bölməsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasını yüksək qiymətləndirir.

Vətəndaş Şayiə Bayramova müraciətinə operativ baxılaraq həllini tapmasında göstərdikləri köməkliyə görə Xətai RPİ 37-ci Polis Bölməsinin əməkdaşlarına təşəkkürünü bildirir. O, Azərbaycan Polisi ilə fəxr etdiyini yazır.

Vətəndaş Zeynal Həsənov müraciətinə tez bir zamanda baxılaraq həllini tapmasında göstərilən köməkliyə görə Suraxanı RPİ 39-cu Polis Bölməsinin əməkdaşlarına təşəkkürünü bildirir. O, Azərbaycan Polisinin hər bir vətəndaşın çətin anında yanında olub, hüquqlarının qorunmasında əsl peşəkarlıq nümayiş etdirməsini təqdir edir.

Vətəndaş Nazim Əliyev ona məxsus mopedin oğurlanması ilə bağlı müraciətinə tez bir zamanda baxılaraq tapılıb ona təhvil verilməsində göstərdikləri köməkliyə görə Səbail RPİ 9-cu Polis Bölməsinin əməkdaşlarına təşəkkürünü bildirir. O, Azərbaycan Polisinin peşəkar xidməti fəaliyyətini yüksək dəyərləndirir və müvəffəqiyyətlər diləyir.