Balakən rayon sakini Oruc Orucov DİN rəhbərliyinə ünvanladığı təşəkkür məktubunda müraciətinin müsbət yöndə həll olunmasına görə Sabunçu RPİ-nin 12-ci Polis Şöbəsinin əməkdaşlarına minnətdarlıq edir.

Salyan şəhər sakini Vaqif İsmayılov DİN rəhbərliyinə ünvanladığı məktubunda səhhəti ilə əlaqədar DİN-in A.Heydərov adına Respublika Hospitalına etdiyi müraciətinə həssaslıqla yanaşıldığını qeyd edərək, ona göstərilən diqqət və qayğıya görə hospitalın bütün əməkdaşlarına təşəkkürünü bildirir.

Bakı şəhər sakini İmran İmranlı qarşılaşdığı problemlə bağlı etdiyi müraciətə Xətai Rayon Polis İdarəsinin 37-ci Polis Şöbəsinin əməkdaşları tərəfindən operativ və həssaslıqla yanaşıldığına və ona dəymiş ziyanın tam ödətdirilməsində göstərilən köməkliyə görə DİN rəhbərliyinə təşəkkürünü bildirir.

Bakı şəhər sakini Amil Abbasov qarşılaşdığı problemlə bağlı etdiyi müraciətə Sabunçu Rayon Polis İdarəsinin 12-ci Polis Şöbəsinin əməkdaşları tərəfindən operativ yanaşılaraq qısa müddət ərzində müsbət həll edildiyinə görə DİN rəhbərliyinə dərin minnətdarlığını bildirir.

Sumqayıt şəhər sakini Sərixan Məmişov özünə məxsus torpaq sahəsindən oğurluq edilməsi ilə bağlı etdiyi müraciətə Sumqayıt Şəhər Polis İdarəsinin 2-ci Polis Bölməsinin əməkdaşları tərəfindən operativ yanaşılaraq məsələnin müsbət istiqamətdə həll olunması və ona dəymiş ziyanın tam ödətdirilməsində göstərilən köməkliyə görə DİN rəhbərliyinə təşəkkürünü bildirir.

Bakı şəhər sakini Fuad Haşımov DİN-ə etdiyi müraciətə operativ baxıldığına, Nəsimi RPİ-də obyektiv araşdırma aparılaraq müsbət həll olunduğuna görə DİN rəhbərliyinə təşəkkürünü bildirir.

Bakı şəhər sakini Vüqar Həşimzadə avtomobil yollarında təhlükəsizliyin etibarlı təmin olunmasına görə DİN rəhbərliyinə və DYP əməkdaşlarına minnətdarlığını bildirir, çətin və şərəfli işlərində uğurlar arzulayır.

Vətən müharibəsi iştirakçısı, Bakı şəhər sakini Yadulla Həsənzadə DİO-da xidmətə qəbul olunması ilə əlaqədar müraciətinə dərhal cavab verildiyinə, sıra baxışında seçilib Azərbaycan Polisinin sıralarına qatıldığına görə DİN rəhbərliyinə təşəkkürünü bildirir.

Bakı şəhərində yaşayan Batuhan Yıldırım DİN-in “İnstagram” səhifəsi vasitəsilə Azərbaycan Polisinə təşəkkürünü bildirib. O, DİN-ə etdiyi müraciətinə dərhal reaksiya verilərək Baş Dövlət Yol Polisi İdarəsində qəbul edildiyini, müraciətində qeyd etdiyi xüsusatlarla bağlı Yol Patrul Xidmətinin fəaliyyətini tənzimləyən normativ aktlar barədə ona ətraflı məlumat verildiyini qeyd edir.

B.Yıldırım vətəndaş müraciətlərinə həssas yanaşılmasına, göstərilən diqqətə və operativliyə görə DİN rəhbərliyinə və BDYPİ-nin əməkdaşlarına təşəkkürünü bildirir, çətin və şərəfli xidmətlərində onlara uğurlar arzulayır.