Abşeron rayon sakini Orxan Abiyev Daxili İşlər Nazirliyinə ünvanladığı məktubda respublikamızda ictimai asayişi ayıq-sayıq qoruyan, cinayətkarlıqla qətiyyətli mübarizə aparan, öz üzərinə düşən vəzifələri layiqincə yerinə yetirən DİN rəhbərliyinə və Azərbaycan polisinə təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Şəbnəm Əsədzadə Daxili İşlər Nazirliyinə ünvanladığı məktubda müraciətinə dərhal reaksiya verildiyinə görə təşəkkürünü ifadə edir.

Cəlilabad rayon sakini Elnur Məmmədov Daxili İşlər Nazirliyinə ünvanladığı məktubunda etdiyi müraciətə operativ reaksiya verilərək qısa zaman kəsiyində göstərdikləri köməkliyə görə “102” Xidməti-Zəng Mərkəzinin əməkdaşlarına minnətdarlığını bildirir.

Vətəndaş Elfan Qonaqbəyov ona qarşı dələduzluq edilməsi ilə bağlı müraciətinə çevik reaksiya verildiyinə və probleminin həllini tapması istiqamətində görülən işlərə görə Nərimanov RPİ və 16-cı Polis Bölməsinin əməkdaşlarına təşəkkürünü bildirir. 

Birinci Qarabağ müharibəsi iştirakçısı, 1-ci qrup əlil Malik Məcidov yaşadığı mənzildən pulunun yoxa çıxması ilə bağlı müraciətinə “102” Xidməti-Zəng Mərkəzindən operativ reaksiya verilərək tez bir zamanda ona dəyən ziyanın ödətdirilməsində göstərdikləri köməkliyə görə Sumqayıt Şəhər Polis İdarəsinin və 4-cü Polis Bölməsinin əməkdaşlarına təşəkkürünü bildirir. 

Vətəndaş Fəxriyyə Məmmədova rayona gedərkən avtovağzal ərazisində pulunu itirməsi ilə bağlı müraciətinə operativ baxılaraq tez bir zamanda tapılıb ona təhvil verilməsində göstərdikləri köməkliyə görə Binəqədi RPİ və 40-cı Polis Bölməsinin əməkdaşlarına təşəkkürünü bildirir.

Vətəndaş Vüsal Əsədov dələduzluğa məruz qalması ilə bağlı müraciətinə operativ baxılmasına, həssaslıqla yanaşılmasına görə Nərimanov Rayon Polis İdarəsinin və 16-cı Polis Bölməsinin əməkdaşlarının xidməti fəaliyyətini təqdir edir, DİN rəhbərliyinə təşəkkürünü bildirir. 

Vətəndaş Elman Manafov sosial şəbəkə üzərindən ünvanladığı müraciətinə operativ baxılaraq dərhal tədbir görülməsinə görə daxili işlər orqanları əməkdaşlarına təşəkkürünü bildirir. O, Azərbaycan Polisinin hər bir vətəndaşın çətin anında yanında olub, hüquqlarının qorunmasında əsl peşəkarlıq nümayiş etdirməsini təqdir edir.

Vətəndaş Günel Səmədova şantaj olunması ilə bağlı müraciətinə operativ baxılmasına  görə Nəsimi RPİ 22-ci Polis Bölməsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasını yüksək qiymətləndirir.