Vətəndaş Məlahət Bayramova polis əməkdaşlarının belə nümunəvi xidmətinə, maarifləndirici tədbirlərinə, xoş rəftarlarına və nəzakətli davranışılarına görə DİN rəhbərliyinə və Nərimanov RPİ-nin YPŞ-nin əməkdaşlarına minnətdarlığını bildirir.

Bakı şəhər sakini Mahrux İsayev vətəndaşların müraciətlərinə diqqətlə yanaşılmasına və operativliyə, həmçinin müraciətinin müsbət həll olunaraq özünün və ailəsinin narahatlığına son qoyulmasına görə DİN rəhbərliyinə və Pirallahı Rayon Polis İdarəsinin əməkdaşlarına təşəkkürünü bildirir.   

Vətəndaş Zəridə Cəbiyeva DİN-in “Instagram” səhifəsinə yazdığı mesajında üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.

Vətəndaş Sabina Əkbərova Daxili İşlər Nazirliyinin sosial şəbəkə səhifəsinə yazdığı mesajında cinayətkarlıqla qətiyyətli mübarizə aparan, ictimai asayişi ayıq-sayıq qoruyan, obyektiv və operativ olan, vətəndaş müraciətlərinə həssaslıqla yanaşan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

Vətəndaş Elşən Mahmudlu DİN-in “Facebook” səhifəsinə təşəkkür mesajı yazıb. O, DİN-in “Facebook” səhifəsi vasitəsilə ünvanladığı müraciətinə operativ baxıldığına, Binəqədi Rayon Polis İdarəsinə dəvət olunaraq hüquq və vəzifələrinin izah olunmaqla obyektiv araşdırmalara başlanıldığına görə DİN rəhbərliyinə və Azərbaycan Polisinə təşəkkürünü bildirir.

Vətəndaş Arzu Hüseynova müraciətinə həssas yanaşıldığına, yüksək peşəkarlıqla keçirilmiş operativ tədbirlərlə ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır.

Əcnəbi vətəndaş İjaz Ahmed müraciətinə dərhal reaksiya verildiyinə və həyata keçirilən operativ tədbirlərə görə Səbail RPİ-nin əməkdaşlarına təşəkkürünü bildirir.

Vətəndaş Rahim Nasirov müraciətinə dərhal reaksiya verildiyinə və üzləşdiyi problemin həllində göstərilən köməkliyə görə DİN rəhbərliyinə və Mətbuat Xidmətinin əməkdaşlarına təşəkkürünü bildirir.

Bakı şəhər sakini Tamilla Məhəmmədova Daxili İşlər Nazirliyinə ünvanlandığı məktubunda sorğusunun ətraflı cavablandırılmasına, həmçinin qarşılaşdığı problemin həllində göstərdikləri köməkliyə görə DİN rəhbərliyinə və Binəqədi Rayon Polis İdarəsinin əməkdaşlarına təşəkkür edir.