Sosial şəbəkə istifadəçisi Bəhruz Əzizli xidməti vəzifələrini və peşə fəaliyyətlərini layiqincə yerinə yetirdiklərinə görə Pirallahı RPİ-nin əməkdaşlarına minnətdarlığını bildirir.

Sosial şəbəkə istifadəçisi Aytac İbrahimova müraciətinə operativ baxılaraq onu narahat edən məsələnin müsbət həllini tapmasında göstərdikləri köməkliyə görə Suraxanı RPİ-nin 32-ci PB-nin əməkdaşlarına təşəkkür edir.

Sosial Şəbəkə istifadəçisi Tural Tağızadə DİN-in “Facebook” səhifəsinə təşəkkür mesajı yazıb. O, polis əməkdaşları tərəfindən sosial neqativ halların, o cümlədən narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə görə DİN rəhbərliyinə minnətdarlığını bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.

DİN-in şəhid olmuş polis əməkdaşı Sadiq Hüseynovun həyat yoldaşı Nəzakət Bəşirova məktubunda şəhid ailələrinə göstərilən yüksək diqqət və qayğıya görə özü və ailə üzvləri adından DİN rəhbərliyinə minnətdarlığını bildirir.   

Vətəndaş Elmir İsgəndərov DİN-in “Instagram” səhifəsinə təşəkkür mesajı yazıb. O, qohumunun Nərimanov rayonu ərazisində üzləşdiyi yol-nəqliyyat hadisəsi ilə əlaqədar aparılan obyektiv araşdırmalara və həyata keçirilən tədbirlərə görə Nərimanov Rayon Polis İdarəsinin əməkdaşlarına təşəkkürünü bildirir.

Vətəndaş Səfər Cavadov özünün sosial şəbəkə hesabındakı paylaşımında cinayətkarlıqla mübarizədə əldə olunan nəticələrə, bu istiqamətdə görülən qətiyyətli tədbirlərə görə DİN rəhbərliyinə təşəkkürünü bildirir.

Cəlilabad rayon sakini Müşfiq Cəfərov müraciəti ilə əlaqədar Cəlilabad Rayon Polis Şöbəsinin rəhbərliyi tərəfindən qəbul edilməsinə və məsələnin operativ qaydada öz həllini tapmasına görə təşəkkürünü bildirir.

Cəlilabad rayon sakinləri Xudaş Əliyev, Səxavət Məhərrəmov və başqaları ünvanladıqları təşəkkür məktubunda xidməti vəzifələrini və peşə fəaliyyətini layiqincə yerinə yetirdiyinə, rayon ərazisində ictimai qaydanın qorunmasına, yol hərəkəti təhlükəsizliyinin etibarlı şəkildə təmin olunmasına, narkomaniya ilə mübarizədə atılan qətiyyətli addımlara görə Cəlilabad Rayon Polis Şöbəsinin rəhbərliyinə və şöbənin dövlət yol pol polisi bölməsinin əməkdaşlarına minnətdarlıqlarını bildirirlər.

Vətəndaş Mahir Həsənov müraciətinə çevik reaksiya verilməsinə və məsələnin qısa müddətdə həllini tapmasına görə Nəsimi Rayon Polis İdarəsinin rəhbərliyinə və 19-cu Polis Bölməsinin əməkdaşlarına minnətdarlığını bildirir.