İsmayıllı rayon sakini Tamam Qarayeva xidməti vəzifələrini layiqincə yerinə yetirdiklərinə görə Rayon Polis Şöbəsinin əməkdaşlarına minnətdarlığını bildirir.

Milli Cəbhə Partiyasının sədr müavini, siyasi ekspert Məhəmməd Əsədullazadə “Facebook” sosial şəbəkəsindəki səhifəsində Azərbaycan polisinə təşəkkür postu paylaşıb. O, vətəndaş məmnunluğunun təmin edilməsi, polis-vətəndaş münasibətlərinin yaxşılaşdırılması istiqamətində həyata keçirilən tədbirlərə, eyni zamanda vətəndaş müraciətlərinə operativ reaksiya verilərək müsbət həll olunmasına görə DİN rəhbərliyinə təşəkkürünü bildirir, çətin və şərəfli xidmətlərində uğurlar arzulayır. 

Jurnalist Xatun Etibarqızı “Facebook” sosial şəbəkəsindəki səhifəsində Azərbaycan polisinə təşəkkür postu paylaşıb. O, Göygöl rayonunda şəhid və itkin düşən igidlərin abidəsinin əbədiləşdirilməsi üçün təşkil edilən tədbir zamanı Sarısu Polis Bölməsi əməkdaşlarının orada iştirak edən Şəhid ailələrinə yüksək diqqət və qayğı göstərdiyini qeyd edir. 
Jurnalist şəhid analarının adından xidməti vəzifələrini layiqincə yerinə yetirdiklərinə, humanist və qayğıkeşliklərinə görə Sarısu Polis Bölməsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.  

Bakı şəhər sakini Rauf Verdiyev məktubunda üzləşdiyi yol-nəqliyyat hadisəsi ilə bağlı etdiyi müraciəti ilə əlaqədar Suraxanı RPİ-nin Dövlət Yol Polisi Şöbəsində aparılan obyektiv araşdırmalar nəticəsində müraciətinin qısa müddətdə müsbət həll olunduğunu qeyd edir. O, müraciətinə diqqətlə yanaşılmasına, obyektivliyə və operatvliyə görə DİN rəhbərliyinə və Suraxanı RPİ-nin Dövlət Yol Polisi Şöbəsinin əməkdaşlarına minnətdarlığını bildirir.

Vətəndaş İlhamə Ramazanova etdiyi müraciətə polis əməkdaşları tərəfindən dərhal verildiyinə və məsələnin qısa zaman ərzində müsbət istiqamətdə həll olunduğuna görə DİN rəhbərliyinə minnətdarlıq edir və DİO əməkdaşlarına gələcək fəaliyyətlərində uğurlar arzulayır.

Vətəndaş Azər Rəcəbov məktubunda üzləşdiyi dələduzluq faktı ilə bağlı müraciətinə Nizami Rayon Polis İdarəsinin 25-ci Polis Bölməsinin əməkdaşları tərəfindən operativ baxıldığına görə minnətdarlığını bildirir, gecə-gündüz yorulmadan xidmət aparan, ictimai asayişi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.

Vətəndaş Elmira Məmmədova məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.

Vətəndaş Zaur Qənbərov Daxili İşlər Nazirliyinə ünvanladığı məktubunda mənzilində baş vermiş oğurluq hadisəsi ilə bağlı Sumqayıt Şəhər Polis İdarəsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və ona dəymiş maddi ziyanın tam ödətdirildiyini qeyd edir. 

Vətəndaş Fuad Məmmədov sürücülük vəsiqəsinin təsdiq olunması ilə bağlı etdiyi müraciətə həssas yanaşıldığına və qısa zaman ərzində məsələnin həll olunduğuna görə DİO əməkdaşlarına minnətdarlığını bildirir, gecə-gündüz yorulmadan xidmət aparan, ictimai asayişi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.