Sosial şəbəkə istifadəçisi Vüsal Cəfərov dostunun zəhərləndiyini, yaxınlıqda olan polis əməkdaşlarının ona ilkin tibbi yardım göstərərək xəstəxanaya aparılmasında köməklik göstərdiklərini yazır. Dostunun həyatını xilas etdiklərinə, eləcə də xidməti vəzifələrini layiqincə yerinə yetirdiklərinə görə Azərbaycan Polisinə, Abşeron RPİ PPXB-nün rəhbərliyinə və əməkdaşlarına təşəkkürünü bildirir. 

Bakı şəhər sakini Gülnar Sadıqova avtobusda olarkən qucağındakı körpəsinin halının pisləşdiyini, dilinin qatlandığını, ölüm təhlükəsi ilə üzbəüz qaldığını yazır. Qeyd edir ki, onunla təsadüfən bir avtobusda gedən polis əməkdaşı dərhal uşağa ilkin yardım göstərərək onun həyatını qurtarıb. Bununla əlaqədar vətəndaş Nəsimi Rayon Mühafizə İdarəsinin rəhbərliyinə, şəxsi heyətinə minnətdarlığını ifadə edir və xidməti fəaliyyətlərində uğurlar arzulayır. 

Vətəndaş Könül Cəfərli Daxili İşlər Nazirliyinə ünvanladığı məktubunda pozulmuş hüquqlarının bərpası ilə bağlı Bakı Şəhər Baş Polis İdarəsinə müraciət etdiyini qeyd edir. O, müraciətinə operativ baxıldığına, qısa müddətdə araşdırılaraq müvafiq tədbirlərin keçiridiyinə və pozulmuş hüquqlarının bərpa edildiyinə görə DİN rəhbərliyinə təşəkkürünü bildirir.     

Vətəndaş Zaur Abbaszadə avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışılarına görə DİN rəhbərliyinə həmçinin Binəqədi Rayon Polis İdarəsinin Dövlət Yol Polisi Şöbəsinin əməkdaşlarına minnətdarlığını bildirir, polis əməkdaşlarına çətin və şərəfli işlərində uğurlar arzulayır.  

Vətəndaş Tural Tağıyev məktubunda DİN rəhbərliyinə təşəkkürünü bildirir. O, bir müddət əvvəl üzləşdiyi problemlə əlaqədar etdiyi müraciətinə operativ baxıldığını, Baş Mütəşəkkil Cinayətkarlıqla Mübarizə İdarəsinin əməkdaşları tərəfindən müvafiq köməklik göstərilərək qısa müddətdə probleminin araşdırılaraq müsbət həll olunduğunu qeyd edir. 

Vətəndaş Rasim Mahmudov Daxili İşlər Nazirliyinə ünvanladığı məktubunda rahat yaşayış hüquqlarının pozulmaısı ilə bağlı ərazi üzrə polis orqanına müraciət etdiyini qeyd edir. O, müraciətinə operativ baxıldığına, qısa müddətdə araşdırılaraq müvafiq tədbirlərin keçiridiyinə və pozulmuş hüquqlarının bərpa edildiyinə görə DİN rəhbərliyinə təşəkkürünü bildirir.     

Vətəndaş Elçin Səlcuq Daxili İşlər Nazirliyinə ünvanladığı məktubunda atasına məxsus avtomobildə baş vermiş oğurluq hadisəsi ilə bağlı Sumqayıt Şəhər Polis İdarəsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və ona dəymiş maddi ziyanın tam ödətdirildiyini qeyd edir. 

Vətəndaş Firuzə Hüseynova Daxili İşlər Nazirliyinə ünvanladığı məktubunda mənzilində baş vermiş oğurluq hadisəsi ilə bağlı Binəqədi Rayon Polis İdarəsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açılacağına və ona dəymiş maddi ziyanın tam ödətdiriləcəyinə ümidvar olduğunu qeyd edir.

Vətəndaş Əlzamin Mamedov məktubunda belə operativliyə, gecəli-gündüzlü gərgin fəaliyyətə, cinayətkarlığa qarşı apardıqları qətiyyətli mübarizəyə görə özü, ailəsi adından DİN rəhbərliyinə həmçinin Bərdə RPŞ-nin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.