Sosial şəbəkə istifadəçisi Səidə Əskərova həyat yoldaşı tərəfindən döyülərək hədə-qorxuya məruz qalması ilə bağlı polisə müraciət etdiyini və problemin aradan qaldırılmasında asayiş keşikçilərinin ona köməklik göstərdiyini yazır. Buna görə Suraxanı RPİ 33-cü Polis Bölməsinin rəhbərliyinə və əməkdaşlarına minnətdarlığını ifadə edir.

Bakı şəhər sakini Aytəkin Allahverdiyeva üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Yasamal RPİ-nin İstintaq Şöbəsinin rəhbərliyinə və əməkdaşlarına təşəkkürünü yazır. 

Tovuz rayon sakini Sima Tanrıverdiyeva Daxili İşlər Nazirliyinə ünvanladığı məktubunda Tovuz Rayon Polis Şöbəsinin əməkdaşlarının xidməti fəaliyyətindən razılıq edərək, minnətdarlığını bildirir.

Vətəndaş Kənan Əsgərov müraciətinə operativ və obyektiv şəkildə baxılaraq ona dəyən maddi ziyanın ödətdirilməsində göstərdikləri köməkliyə görə Naftalan Şəhər Polis Şöbəsinin əməkdaşlarına təşəkkürünü bildirir.

Bakı şəhər sakini Elşad Rzayev Daxili İşlər Nazirliyinə ünvanladığı məktubunda gecə-gündüz yorulmadan xidmət aparan, ictimai asayişi və ictimai təhlükəsizliyi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

“APA” holdinqin rəhbəri Vüsalə Abışova mühafizə məsələsi ilə bağlı Daxili İşlər Nazirliyinə ünvanladığı müraciətinə operativ reaksiya verildiyini bildirərək Azərbaycan polisinə təşəkkür edir: “DİN-in müvafiq idarələrindən əlaqə saxlanıldı, lazımi və zəruri məlumatlar verildi. Müraciətimdə qeyd olunan xüsusatların qısa müddət ərzində həllini tapacağı bildirildi. Göstərilən bu diqqətə və qayğıya görə DİN rəhbərliyinə minnətdarlığımı bildirirəm”.

Quba rayon sakini Azər Rzayev etdiyi müraciətinə  həssaslıqla yanaşılaraq qısa zaman kəsiyində həll olunmasına görə DİN rəhbərliyinə və Quba RPŞ-nin əməkdaşlarına minnətdarlığını bildirir.

Bakı şəhər sakini Asif İbrahimov məktubunda Daxili İşlər Nazirliyinə etdiyi müraciətinə diqqətlə yanaşıldığını, obyektiv araşdırma aparıldığını və müvafiq tədbirlərin həyata keçirildiyini qeyd edir. O, müraciətinə həssas yanaşılmasına, göstərilən diqqətə, obyektivliyə və operativliyə görə DİN rəhbərliyinə minnətdarlığını bildirir. 

Bakı şəhər sakini Ürkər Abılova üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Bakı şəhər Baş Polis İdarəsinin İstintaq və Təhqiqat İdarəsinin əməkdaşlarına təşəkkürünü bildirir.