Jurnalist Xəyyam Salmanzadə “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, etdiyi müraciətlə əlaqədar Ağdam Rayon Polis Şöbəsində obyektiv araşdırma aparılaraq qısa müddətdə müraciətinin müsbət həll edildiyini qeyd edərək minnətdarlığını bildirir.

Bərdə rayon sakini Yeganə Bayramova təşəkkür məktubunda müraciətinin müsbət həllinə görə Mingəçevir ŞPŞ-nin əməkdaşlarına minnətdarlığını bildirir.

Şəki rayon sakini Əzahir Cəfərov müraciətinin müsbət həll edilməsinə görə DİN rəhbərliyinə minnətdarlığını bildirir.

Mingəçevir şəhər sakini Rövşən İbrahimov xidməti vəzifələrini layiqincə yerinə yetirdiklərinə görə Mingəçevir ŞPŞ-nin DYPB-nin əməkdaşlarına minnətdarlığını bildirir.

Şirvan şəhər sakini Rahil Məlikov məktubunda müraciəti ilə əlaqədar Şirvan Şəhər Polis Şöbəsinə dəvət edildiyini, nəzakətlə qarşılanaraq dinlənildiyini və aparılan obyektiv araşdırma nəticəsində qısa müddətdə müraciətinin müsbət həll olunduğunu qeyd edərək DİN rəhbərliyinə və Şirvan ŞPŞ-nin əməkdaşlarına təşəkkürünü bildirir.

Bakı şəhər sakini Sahib Şərifov DİN-in “Facebook” səhifəsinə təşəkkür mesajı yazıb. O, üzləşdiyi problemlə bağlı etdiyi müraciətə operativ baxılaraq müsbət həll olunduğunu qeyd edərək DİN rəhbərliyinə minnətdarlığını bildirir.

Bakı şəhər sakini Taleh Hüseynov məktubunda Suraxanı rayonu ərazisində səkinin zəbt olunaraq vətəndaşların hərəkətinə maneə yaradılması və qanunsuz tikinti aparılması barədə müraciətinə çevik reaksiya verildiyini, Suraxanı Rayon Polis İdarəsi tərəfindən müvafiq tədbirlər görülməklə vətəndaşları narahat edən vəziyyətin qısa müddətdən aradan qaldırıldığını qeyd edir. O, müraciətinə diqqətlə yanaşılmasına, vətəndaş məmnunluğu üçün həyata keçirilən tədbirlərə görə DİN rəhbərliyinə və Suraxanı Rayon Polis İdarəsinin əməkdaşlarına təşəkkürünü bildirir.

Bakı şəhər sakini Firuz İbrahimov məktubunda müraciəti ilə bağlı Daxili Təhqiqatlar İdarəsində obyektiv araşdırma aparıldığını və qısa müddətdə müraciətinin müsbət həll olunduğunu qeyd edir. O, müraciətinə diqqətlə yanaşılmasına və obyektiv araşdırmalara görə DİN rəhbərliyinə və Daxili Təhqiqatlar İdarəsinin əməkdaşlarına təşəkkürünü bildirir.

Vətəndaş İlqar İsmayılov DİN-in “Instagram” səhifəsinə təşəkkür mesajı yazıb. O, Goranboy rayonu ərazisində quraşdırılmış şəhid lövhəsinin qeyri-müəyyən şəraitdə əzilməsi barədə Goranboy Rayon Polis Şöbəsinə məlumat verdiyini, polis əməkdaşları tərəfindən dərhal müvafiq tədbirlərin görüldüyünü və qısa müddətdə şəhidin lövhəsinin bərpa olunduğunu bildirir.  
Qazi olan İ.İsmayılov müraciətinə həssas yanaşılmasına, göstərilən diqqətə və köməkliyə görə özü, şəhid və qazi ailələri adından DİN rəhbərliyinə və Azərbaycan polisinə minnətdarlığını bildirir.