Mingəçevir şəhər sakini İlyas Qoçkarov DİN rəhbərliyinə ünvanladığı təşəkkür məktubunda ona məxsus fərdi yaşayış evindən oğurluq edən şəxsin tutularaq məsuliyyətə cəlb edilməsinə və ona dəymiş maddi ziyanın ödətdirilməsinə görə ŞPŞ-nin əməkdaşlarına minnətdarlığını bildirir.

Ağdaş rayon sakini Tahir Məmmədov və Şəki rayon sakini Əsgər Əliyev müraciətlərinin obyektiv araşdırılmasına görə minnətdarlıqlarını bildirirlər.

Ağdaş rayonundan olan bir qrup şəhid ailəsi DİN rəhbərliyinə ünvanladığı təşəkkür məktubunda Dəhnəxəlil kəndinin girişindəki "Şəhidlər Bulağı"nın tikintisində göstərdikləri köməkliyə görə polis əməkdaşlarına minnətdarlıq edirlər.

Şəki şəhər sakini Murad Məmmədov təşəkkür məktubunda müraciətinin müsbət həll edilməsinə görə ŞRPŞ-nin əməkdaşlarına minnətdarlığını bildirir.

Vətəndaş Vəli Mirzəyev DİN rəhbərliyinə ünvanladığı təşəkkür məktubunda qardaşının evindən edilən oğurluqla bağlı müraciətinin Mingəçevir ŞPŞ-də operativ araşdırılaraq həll edilməsinə görə minnətdarlığını bildirir.

Şəki şəhər sakini Məmmədemin İsmayılov təşəkkür məktubunda ŞRPŞ-nin DYPB-nin əməkdaşlarının xidməti fəaliyyətindən razılıq edir.

Bakı şəhər sakini Vidadi Nəbiyev Daxili İşlər Nazirliyinə ünvanladığı məktubunda övladının oğurlanmış velosipedinin tapılaraq onlara qaytarılmasına görə DİN rəhbərliyinə və Nəsimi RPİ 22-ci Polis Şöbəsinin əməkdaşlarına təşəkkürünü bildirir.

DİN-in “İnstagram” səhifəsinin izləyicisi, Bakı şəhər sakini Şəlalə İsmayılova itirdiyi cüzdanının tapılaraq ona qaytarılmasına görə səhifəsi vasitəsi ilə DİN rəhbərliyinə və Binəqədi RPİ 5-ci Polis Bölməsinin əməkdaşlarına minnətdarlığını bildirir, çətin və şərəfli işlərində uğurlar arzulayır.

İran vətəndaşı Amin Azizian Kohan məktubunda üzləşdiyi problemlə bağlı Daxili İşlər Nazirliyinə ünvanladığı müraciətinə operativ baxıldığına, obyektiv araşdırma aparılaraq qısa müddətdə müsbət həll olunduğuna görə DİN rəhbərliyinə və bütün polis əməkdaşlarına təşəkkürünü bildirir.