Masallı rayon sakini Samir Həsənzadə DİN-in “Facebook” səhifəsinə təşəkkür mesajı yazıb. O, səhifə vasitəsilə etdiyi müraciətinə diqqətlə yanaşıldığını, araşdırma aparılaraq qısa müddətdə müraciətinin müsbət həll olunduğunu qeyd edir. S.Həsənzadə vətəndaş müraciətlərinə operativ reaksiya verilməsinə və obyektiv araşdırmalara görə DİN rəhbərliyinə minnətdarlığını bildirir.

Vətəndaş Şəhriyar Kərimov Daxili İşlər Nazirliyinə ünvanladığı məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən DİN rəhbərliyinə və Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

Bakı şəhər sakini Seymur Hüseynov DİN-in “Instagram” səhifəsinə mesaj yazaraq müraciətinə dərhal reaksiya verildiyinə və müsbət həll olunduğuna görə DİN rəhbərliyinə təşəkkürünü bildirir.

Saatlı rayon sakini Arif Abbasov Daxili İşlər Nazirliyinə ünvanladığı məktubunda müraciəti ilə əlaqədar qəbul edildiyinə və müraciətinin müsbət həll olunduğuna görə DİN rəhbərliyinə minnətdarlığını bildirir.

Sumqayıt şəhər sakini Aynur Məmmədli DİN-in “Instagram” səhifəsinə təşəkkür mesajı yazıb. O, 6-cı mikrorayon ərazisində yaşadığı binada yerləşən idman zalının fəaliyyəti nəticəsində rahat yaşayış hüquqlarının pozulması barədə etdiyi müraciətə operativ reaksiya verilərək müvafiq tədbirlər görüldüyünə görə DİN rəhbərliyinə və Sumqayıt ŞPİ 3-cü Polis Bölməsinin əməkdaşlarına təşəkkürünü bildirir.

Bakı şəhər sakini Nəzrin İmanova Daxili İşlər Nazirliyinə ünvanladığı məktubunda daxili işlər orqanlarında gənc əməkdaşlara göstərilən diqqət və qayğının, etimadın təqdirəlayiq olduğunu qeyd edərək DİN rəhbərliyinə  minnətdarlığını bildirir.  

Xalq artisti, professor, Prezident mükafatçısı, bəstəkar Vasif Allahverdiyev ictimai asayişin və təhlükəsizliyin təmin olunmasında, hüquqazidd əməllərin qarşısının alınmasında, vətəndaşların qanuni mənafelərinin, eləcə də hüquq və azadlıqlarının etibarlı qorunmasında xidməti vəzifə borclarını layiqincə yerinə yetirdiklərinə görə Azərbaycan Polisinə minnətdarlığını bildirir.

Neftçala rayon sakini Səlahəddin Piriyev üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Azərbaycan Polisinə təşəkkürünü ifadə edir.

Xəbər saytları və sosial şəbəkələrdəki bir çox səhifələrdə “DYP əməkdaşı yolun ortasında qalan azyaşlıya belə kömək etdi” başlığı ilə Azərbaycan Polisinə təşəkkür postu paylaşılıb: 
- Bakı-Quba yolunun 14-cü kilometrliyində magistral yolda təhlükə ilə üzləşən azyaşlının köməyinə Yol Patrul Xidmətinin əməkdaşı çatıb.  Baş Dövlət Yol Polisi İdarəsinin Yol Patrul Xidməti Alayının əməkdaşı magistral yolun ortasında azyaşlı oğlan uşağını görüb. Dərhal hadisəyə müdaxilə edən polis əməkdaşı onun yolu keçməsinə kömək edib və patrul avtomobili ilə gedəcəyi ünvana çatdırıb. Eyni zamanda azyaşlı ilə profilaktiki söhbət aparan polis əməkdaşı ona yolu bu cür keçməyin təhlükələrini izah edib”.  
Paylaşılan postlarda xidməti vəzifələrini layiqincə yerinə yetirdiyinə görə BDYPİ-nin Yol Patrul Xidməti Alayının əməkdaşlarına minnətdarlıq bildirilir.