Abşeron rayon sakini Aqil Səfərov DİN-in “Instagram” səhifəsinə təşəkkür mesajı yazıb. O, mobil telefonunun oğurlanması barədə müraciətinə çevik reaksiya verildiyini, 29-cu Polis Şöbəsi əməkdaşlarının keçirdikləri operativ tədbirlərlə bu əməli törədən şəxsin qısa müddətdə müəyyən olunaraq saxlanıldığını yazır.
A.Səfərov operativliyə və ona dəymiş maddi ziyanın tam ödətdirilməsində göstərilən köməkliyə görə 29-cu Polis Şöbəsinin əməkdaşlarına təşəkkürünü bildirir.

Şəki rayon sakini Rövşən Lətifov DİN-in “Facebook” səhifəsinə təşəkkür mesajı yazıb. O, səhifə vasitəsilə ünvanladığı müraciətinə çevik reaksiya verildiyini, Yasamal RPİ-nin Dövlət Yol Polisi Şöbəsinə dəvət olunaraq dinlənildiyini və müvafiq araşdırmalara başlanıldığını qeyd edir. 
R.Lətifov müraciətinə həssas yanaşılmasına, operativliyə və obyektiv araşdırmalara görə DİN rəhbərliyinə və Yasamal RPİ-nin Dövlət Yol Polisi Şöbəsinin əməkdaşlarına təşəkkürünü bildirir. 

Bakı şəhər sakini K.Şahverdiyev məktubunda yaşadıqları mənzildən edilən oğurluqla bağlı Səbail RPİ-nin 9-cu Polis Bölməsinə etdikləri müraciətlə əlaqədar dərhal müvafiq araşdırmalara başlanıldığını, polis əməkdaşlarının keçirdikləri operativ tədbirlərlə qısa müddətdə bu əməli törədən şəxsin müəyyən olunaraq saxlanıldığını yazır. O, baş vermiş bu oğurluq hadisəsindən ağır mənəvi sarsıntı keçirmələrinə baxmayaraq, polis əməkdaşlarının peşəkarlığına heyran qaldıqlarını bildirir. 
K.Şahverdiyev müraciətlərinə çevik reaksiya verilməsinə, göstərilən diqqətə və həyata keçirilən operativ tədbirlərə görə DİN rəhbərliyinə və 9-cu Polis Bölməsinin əməkdaşlarına minnətdarlığını bildirir, çətin və şərəfli xidmətində Azərbaycan polisinə uğurlar arzulayır.  

Bakı şəhər sakini Ruslan Kərimov Daxili İşlər Nazirliyinə ünvanladığı məktubunda oğurluq faktı ilə bağlı Suraxanı RPİ-nin 32-ci Polis Bölməsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və ona dəymiş maddi ziyanın tam ödətdirildiyini qeyd edir. 
R.Kərimov müraciətinə dərhal reaksiya verildiyinə və həyata keçirilən operativ tədbirlərə görə DİN rəhbərliyinə və Suraxanı RPİ 32-ci PB-nin əməkdaşlarına təşəkkürünü bildirir.

Abşeron şəhər sakini Nizami Rəsulov məktubunda DİN-ə ünvanladığı müraciətinə operativ baxıldığına, vətəndaş müraciətlərinə həssas yanaşılmasına və obyektivliyə görə Azərbaycan Polisinə təşəkkürünü bildirir.

Sumqayıt şəhər sakini Uruzgər Hüseynov DİN rəhbərliyinə ünvanladığı təşəkkür məktubunda xidməti vəzifələrinin öhdəsindən layiqincə gəldiyinə, eyni zamanda narkotiklərlərin dövriyyəsinin qarşısının alınmasında qətiyyətli mübarizə apardıqlarına  görə öz təşəkkürünü bildirir. 

Vətəndaş Validə Məmmədova üzləşdiyi problem ilə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə DİN və Bakı şəhər BPİ rəhbərliklərinə minnətdarlığını bildirir.

Bakı şəhər sakini Xatirə Qasımova məktubunda Azərbaycan Respublikasının daxili işlər naziri, general-polkovnik Vilayət Eyvazovun avqustun 25-də Şəki Şəhər-Rayon Polis Şöbəsində keçirdiyi vətəndaş qəbulunda qəbul edildiyini, müraciətinin dinlənilərək aidiyyəti üzrə tapşırıq verildiyini, sonra isə Sabunçu RPİ-nin 12-ci Polis Şöbəsində müvafiq araşdırma aparılaraq müraciətinin qısa müddətdə müsbət həll edildiyini qeyd edir. O, vətəndaş müraciətlərinə həssas yanaşılmasına, obyektivliyə və operativliyə görə DİN rəhbərliyinə təşəkkürünü bildrir. 

Vətəndaş Novruz Məmmədzadə DİN-in “Facebook” səhifəsinə təşəkkür mesajı yazıb. O, üzləşdiyi yol-nəqliyyat hadisəsinin araşdırılması ilə bağlı “Facebook” sosial şəbəkəsindəki hesabında paylaşaraq ictimailəşdirdiyi müraciətinə Daxili İşlər Nazirliyi tərəfindən çevik reaksiya verildiyini, Baş İstintaq və Təhqiqat İdarəsinə dəvət olunaraq dinlənildiyini və müvafiq araşdırmalara başlanıldığını bildirir. 
N.Məmmədzadə vətəndaş müraciətlərinə, o cümlədən onun müraciətinə çevik reaksiya verilməsinə, dəvət olunaraq yüksək hörmətlə qarşılanmasına, xoş rəftar və nəzakətli davranışa, göstərilən diqqət və qayğıya, eyni zamanda obyektiv araşdırmalara görə DİN rəhbərliyinə və Baş İstintaq və Təhqiqat İdarəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.