Vətəndaş Abuzər Cəfərli “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, Daxili İşlər Nazirliyi əməkdaşlarının tez-tez Şəhid, qazi, tənha, aztəminatlı və çoxuşaqlı  ailələrə baş çəkərək yardımlar etdiyini, övladlarının məktəb ləvazimatları və digər zəruri vasitələrlə təmin etdiyini, onlara yüksək diqqət və qayğı göstərdiklərini qeyd edir. Həmçinin yol polisi əməkdaşları tərəfindən yol hərəkətinin yüksək səviyyədə təşkilinə, hərəkət iştirakçılarının təhlükəsizliyinin etibarlı təmin olunmasına, yeni tədris ilinin başlanması ilə əlaqədar respublika ərazisində təhsil müəssisələrinin qarşısında və yollarda apardıqları profiklaktik və maarifləndirici tədbirlərə diqqət çəkərək bunların təqdirəlayiq olduğunu bildirir.  
A.Cəfərli üzərinə düşən vəzifələri layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır. 

Qəbələ rayon sakini Sahib İbrahimov və Şəki rayon sakini Eldar Zakirov Daxili İşlər Nazirliyinə ünvanladıqları məktublarda Azərbaycan Respublikasının daxili işlər naziri, general-polkovnik Vilayət Eyvazovun Şəki Şəhər-Rayon Polis Şöbəsində keçirdiyi vətəndaş qəbulunda qəbul edildiklərini,  müraciətlərinin dinlənilərək aidiyyəti üzrə tapşırıqlar verildiyini və qısa müddətdə müsbət həll edildiyini qeyd edirlər. Onlar vətəndaş müraciətlərinə həssas yanaşılmasına, obyektivliyə və operativliyə görə DİN rəhbərliyinə təşəkkürlərini bildirirlər.

Kürdəmir rayon sakini Yasin Səftərov müraciətinə operativ reaksiya verilməsinə görə Kürdəmir Rayon Polis Şöbəsinin əməkdaşlarına təşəkkür edir.

Yevlax rayon sakinləri Sevinc Hacıyeva və Məhbubə Haqverdiyeva müraciətlərinin obyektiv araşdırılmasına görə Yevlax Rayon Polis Şöbəsinin əməkdaşlarına minnətdarlıqlarını bildirirlər.

“hedefxeber.az” xəbər portalının baş redaktoru Orxan Yusifov xidməti vəzifələrini və peşə fəaliyyətini layiqincə yerinə yetirən Bərdə  Rayon Polis Şöbəsinin əməkdaşlarına təşəkkürünü bildirir.

Laçın rayon sakini Sahib Məmmədov müraciətinin müsbət edildiyinə görə Ağcabədi Rayon Polis Şöbəsinin əməkdaşlarına minnətdarlığını ifadə edir.

Vətəndaş Rəşad Alizadə “Facebook” sosial şəbəkəsindəki hesabında Azərbaycan polisinə təşəkkür mesajı paylaşıb. O, Kəlbəcər rayonu ərazisində xidmət edən polis əməkdaşlarına gecəli-gündüzlü gərgin fəaliyyətə, operativliyə görə təşəkkürünü bildirir, çətin və şərəfli xidmətlərində uğurlar arzulayır. 

“Facebook” sosial şəbəkə istifadəçisi cinayətkarlıqla qətiyyətli mübarizə aparan, öz üzərinə düşən vəzifələri layiqincə yerinə yetirən, şəhid, tənha, aztəminatlı və çoxuşaqlı  ailələrə baş çəkərək ərzaq yardımları edən, qayğıkeşlik göstərən polis əməkdaşlarına qəsəbə sakinləri olan şəhid və aztəminatlı ailələr adından təşəkkürünü bildirir, çətin və şərəfli xidmətlərində uğurlar arzulayır. 

Vətəndaş İsmayılova Yeganə Daxili İşlər Nazirliyinə ünvanladığı məktubunda oğlunun pozulmuş hüquqlarının bərpası ilə bağlı Sumqayıt Şəhər Polis İdarəsinin 2-ci Polis Şöbəsinə müraciət etdiyini qeyd edir. O, müraciətinə operativ baxıldığına, qısa müddətdə araşdırılaraq müvafiq tədbirlərin keçiridiyinə və oğlunun pozulmuş hüquqlarının bərpa edildiyinə görə DİN rəhbərliyinə minnətdarlığını bildirir.