Vətəndaş Sahib Məsimov evinin həyətyanı sahəsindən oğurluq edən şəxslərin tutularaq məsuliyyətə cəlb edilmələrinə görə Şəki ŞRPŞ-nin əməkdaşlarına minnətdarlıq edir.

Şəki rayon sakini Rövşən Rəsulov müraciətinin müsbət yöndə həll olunmasına görə ŞRPŞ-nin əməkdaşlarına təşəkkür bildirir.

Şəki rayon sakinləri Vaqif Mahmudov və Məzahir Yusifov müraciətlərinin müsbət həll edilməsinə və onlara dəymiş maddi ziyanın ödətdirilməsinə görə polis əməkdaşlarına minnətdarlıq edirlər.

DİN-in “İnstagram” səhifəsinin izləyicisi, Bakı şəhər sakini Mehman Əzimov (Leilahuseyn) səhifə vasitəsi ilə etdiyi müraciətə həssas yanaşıldığına və göstərilən köməkliyə görə DİN rəhbərliyinə və Yasamal RPİ-nin əməkdaşlarına minnətdarlığını bildirir.

DİN-in “İnstagram” səhifəsinin izləyicisi, Bakı şəhər sakini Namaz Pərviz (Perviznamaz) səhifə vasitəsi ilə etdiyi müraciətinin müsbət həll edildiyinə görə Nərimanov RPİ-nin rəhbərliyinə və 17-ci Polis Bölməsinin əməkdaşlarına təşəkkürünü bildirir.

DİN-in “İnstagram” səhifəsinin “elcin_baxsalizade” adlı izləyicisi müraciətinə operativ baxıldığına, xidməti fəaliyyətini layiqincə yerinə yetirdiyinə görə Göygöl RPŞ-nin rəisi, polis polkovniki Müqalib Abdıyevdən razılığını bildirir.

Vətən Müharibəsi Şəhidinin anası, Səyyarə Əliyeva DİN-ə ünvanladığı məktubunda Goranboy rayon Polis Şöbəsinin əməkdaşlarının göstərdikləri diqqət və qayğıdan razılığını bildirir.

“Zirvə Yolu” qəzetinin baş redaktoru Oktay Azaflı ölkədə narkotilərin qanunsuz dövriyyəsinə qarşı aparılan mübarizədə xidməti fəaliyyətini layiqincə yerinə yetirən Tovuz rayon Polis Şöbəsinin əməkdşlarından razılığını bildirir.

Bakı şəhər sakini Lamiyyə Məmişova pul borcu ilə bağlı üzləşdiyi problemlə əlaqədar etdiyi müraciətə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nəsimi RPİ-nin əməkdaşlarına təşəkkürünü bildirir.