Vətəndaş Tamilla İsmayılova mobil telefonunu itirməsi ilə əlaqədar etdiyi müraciətə operativ reaksiya verilərək qısa zaman kəsiyində tapılmasında, eləcə də işlək vəziyyətdə ona qaytarılmasında göstərdikləri köməkliyə görə Biləcəri XPŞ-nin rəhbərliyinə və əməkdaşlarına minnətdarlığını ifadə edir.

Bakı şəhər sakini Leyla Abdullayeva Daxili İşlər Nazirliyinə ünvanladığı məktubunda Nizami rayonunun Keşlə qəsəbəsi ərazisində narkotiklərin qanunsuz dövriyyəsi hallarının qarşısının alınması ilə bağlı həyata keçirilən tədbirlərə görə DİN rəhbərliyinə və Nizami RPİ 23-cü Polis Bölməsinin əməkdaşlarına minnətdarlığını bildirir.

Bakı şəhər sakini Elşən İsmayılov Daxili İşlər Nazirliyinə ünvanladığı məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə polis əməkdaşlarına minnətdarlığını bildirir.

Gəncə şəhər sakini Habil Əliyev DİN rəhbərliyinə ünvanladığı təşəkkür məktubunda xidməti fəaliyyətini layiqincə yerinə yetirdiyinə görə Gəncə ŞBPİ-nin Kəpəz RPİ-nin kollektivinə minnətdarlığını bildirir.

Bakı şəhər sakini Elnur Rəsulov Daxili İşlər Nazirliyinə ünvanladığı təşəkkür məktubunda polis əməkdaşlarına minnətdarlığını bildirir. E.Rəsulov qeyd edir ki, 23.08.2021-ci il tarixdə Nabran rayonunda ailəsi ilə istirahətdə olarkən avtomobili nasaz vəziyyətə düşüb, lazım olan eytiyyat hissəsini isə heç bir avtoservisdə tapmayıb. Bu zaman o, yol kənarında xidmət aparan Yol Patrul Xidməti avtomobilinə yaxınlaşıb. Vəziyyəti polis əməkdaşına izah edərək kömək istəyib. Yol polisi əməkdaşı xidməti avtomobili ilə onu Xaçmaz şəhərinə apararaq ehtiyyat hissəsini tapıb almaqda və Xudat şəhərinə aparıb maşını düzəltdirməkdə köməklik edib. Müəllif polisin bu cür davranışının, diqqət və qayğısının, xeyirxah və humanist əməllərinin insanlarda çox böyük fərəh hissi oyatdığını yazır. O, şəxsi heyətin xalqa xidmət ruhunda tərbiyə olunmasına, humanizminə görə DİN rəhbərliyinə, həssas münasibətinə görə YPX inspektoru Anar Musayevə minnətdarlığını bildirir.

Bərdə rayon sakini Fərhad Ağayev DİN-ə ünvanladığı təşəkkür məktubunda müraciəti əsasında aparılmış hərtərəfli və obyektiv araşdırma nəticəsində ona dəymiş ziyanın təm şəkildə ödənilməsinin təmin edilməsinə görə Bərdə Rayon Polis Şöbəsinin rəhbərliyinə və əməkdaşlarına minnətdarlığını bildirir.

Kürdəmir rayon sakini İnqilab Vəliyev DİN-ə ünvanladığı məktubunda müraciəti əsasında aparılan obyektiv araşdırma nəticəsində ona dəymiş ziyanın ödənilməsinin təmin edilməsinə görə DİN rəhbərliyinə və Kürdəmir Rayon Polis Şöbəsinə təşəkkür edir.

Yevlax rayon sakini Gülnarə Quliyeva təşəkkür məktubunda müraciətinə operativ reaksiya verilərək müsbət həll olundğuna görə DİN rəhbərliyinə və İnsan Alverinə Qarşı Mübarizə Baş İdarəsinin əməkdaşlarına minnətdarlığını ifadə edir.

Kürdəmir rayon sakini İlham Əliyev DİN-ə ünvanladığı təşəkkür məktubunda müraciətinə obyektiv şəkildə reaksiya verilərək qısa zaman kəsiyində həll olunmasında göstərdikləri köməkliyə görə Kürdəmir Rayon Polis Şöbəsinin əməkdaşlarına minnətdarlığını bildirir.