Şəhid anası olan Quba rayon sakini Məxfurə Həsənova daxili işlər naziri tərəfindən Quba Rayon Polis Şöbəsində keçirilən vətəndaş qəbulunda göstərilən diqqət və qayğıya, həmçinin ona maddi yardım göstərilməsinə görə DİN rəhbərliyinə minnətdarlığını bildirir. 

Quba rayon sakini Asif Musayev etdiyi müraciətinə həssaslıqla yanaşılmasına və ona dəymiş ziyanın tam ödətdirilməsinə görə Quba RPŞ-nin əməkdaşlarına minnətdarlığını bildirir.

Vətəndaş Etiraf Əliyev DİN-in “Instagram” səhifəsinə təşəkkür mesajı yazıb. O, müraciətinə dərhal reaksiya verilməsinə və həyata keçirilən tədbirlərlə qısa müddətdə müsbət həll olunmasına görə Goranboy Rayon Polis Şöbəsinin əməkdaşlarına təşəkkürünü bildirir.

Tovuz rayon sakini Əhməd Əhmədov məktubunda müraciətinə operativ baxılaraq müsbət həll olunmasına və ona dəymiş ziyanın ödətdirilməsinə göstərdikləri köməkliyə görə Azərbaycan polisinə təşəkkürünü bildirir.

Vətəndaş Əfsanə Hüseynova məktubunda üzləşdiyi problemlə bağlı müraciətinə operativ baxılmasına və həyata keçirilən tədbirlərə görə Gəncə ŞBPİ-nin əməkdaşlarına təşəkkürünü bildirir, çətin və şərəfli işlərində uğurlar arzulayır.

Vətəndaş Namik Mamedov DİN-in sosial şəbəkə hesabına ünvanladığı təşəkkür məktubunda müraciəti ilə əlaqədar Kəlbəcər RPŞ-nin rəhbərliyi tərəfindən qəbul edildiyini  və məsələnin müsbət həllini tapdığını bildirir.

Gədəbəy rayon sakini Müşkünaz Allahverdiyeva öz təşəkkür məktubunda vətəndaş müraciətlərinə həsaslıqla yanaşıldığına və xidməti vəzifələrini layiqincə yerinə yetirdiklərinə görə Gədəbəy Rayon Polis Şöbəsinin rəhbərliyinin fəaliyyətindən məmnunluğunu ifadə edir.

Vətəndaş Ülvi Kərimov DİN rəhbərliyinə ünvanladığı təşəkkür məktubunda göstərilən köməkliyə və dəstəyə görə Samux Rayon Polis Şöbəsinin rəhbərliyinə və şəxsi heyətinə minnətdarlığını ifadə edir.

Goranboy rayon sakini Alim İbrahimov xidməti vəzifələrini və peşə fəaliyyətlərini layiqincə yerinə yetirdiklərinə görə Goranboy RPŞ-nin əməkdaşlarına təşəkkür edir.