Xətai rayon sakini Vasif Həsənov məktubunda müraciətlərə diqqətlə yanaşıldığına və operativliyə görə Bakı Şəhər Baş Polis İdarəsinin əməkdaşlarına təşəkkürünü bildirir.

Vətəndaş Murad Kərimov DİN-in “Instagram” səhifəsinə mesajında Nərimanov  rayonunun ərazisində üzləşdiyi yol-nəqliyyat hadisəsi zamanı ərazidə xidmət aparan yol-patrul xidməti əməkdaşlarının ona müvafiq köməklik göstərdiklərini qeyd edərək Nərimanov RPİ-nin Dövlət Yol Polisi Şöbəsinin əməkdaşlarına minnətdarlığını bildirir.

Vətəndaş Sahil Mikayılov DİN-in “Instagram” səhifəsinə mesajında mənzilində baş vermiş oğurluq hadisəsi ilə bağlı 42-ci Polis Bölməsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və ona dəymiş maddi ziyanın tam ödətdirildiyini qeyd edir. S.Mikayılov müraciətinə dərhal reaksiya verildiyinə və həyata keçirilən operativ tədbirlərə görə 42-ci Polis Bölməsinin əməkdaşlarına təşəkkürünü bildirir.

Vətəndaş Novruz Yəhyayev DİN-in “Instagram” səhifəsinə təşəkkür mesajı yazıb. O, müraciətinə diqqətlə yanaşıldığına görə DİN rəhbərliyinə təşəkkürünü bildirir. 

Xətai rayon sakini Qadir Cəfərov məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə Yasamal Rayon Polis İdarəsinin İstintaq şöbəsinin əməkdaşlarına minnətdarlığını bildirir. 

Sabunçu rayon sakini Sərxan Alıyev məktubunda üzləşdiyi dələduzluq faktı ilə bağlı müraciətinin obyektiv araşdırılmasından və istintaqın gedişatından razı olduğunu qeyd edir, Xəzər Rayon Polis İdarəsinin İstintaq şöbəsinin əməkdaşlarına minnətdarlığını bildirir. 

Səbail rayon sakini Ümid Xalıqov məktubunda mobil telefonunu oğurlanması ilə bağlı 9-cu Polis Bölməsinə müraciət etdiyini, polis əməkdaşlarının operativliyi sayəsində telefonunun tapılaraq ona təhvil verildiyini yazır. O, müraciətinə çevik reaksiya verilməsinə və operativliyə görə 9-cu Polis Bölməsinin əməkdaşlarına minnətdarlığını bildirir.

Vətəndaş Tural Kərimov DİN-in “Instagram” səhifəsinə ünvanladığı mesajında velosipedinin oğurlanması ilə bağlı Sabunçu RPİ 13-cü Polis Bölməsinə müraciət etdiyini, polis əməkdaşlarının operativliyi sayəsində oğrunun tapılaraq ona dəymiş ziyanın ödətdirildiyini yazır. O, müraciətinə çevik reaksiya verilməsinə və operativliyə görə Sabunçu RPİ 13-cü Polis Bölməsinin əməkdaşlarına minnətdarlığını bildirir.

Qaradağ rayon sakini Namiq Həsənov Daxili İşlər Nazirliyinə ünvanladığı teleqramında Nazirliyə etdiyi elektron müraciətinə operativ reaksiya verildiyini qeyd edir. O, 29-cu Polis Bölməsinə dəvət edildiyini, nəzakətlə qarşılanaraq dinlənildiyini və müraciətinə obyektiv baxıldığını vurğulayır. Vətəndaş müraciətinə həssas yanaşılmasına, göstərilən diqqətə və operativliyə görə DİN rəhbərliyinə təşəkkürünü bildirir.