Füzuli rayon sakini, Qarabağ müharibəsi veteranı Rövşən Həsənov DİN rəhbərliyinə ünvanladığı təşəkkür məktubunda səhhətində yaranan problem zamanı DİN-in A.Heydərov adına Hospitalında müayinə və müalicə olunaraq sağlamlığına qovuşmasında ona göstərilən diqqət və qayğıya görə tibb personalına təşəkkürünü bildirir.

Vətəndaş Nahidə Şirinova müraciətinə tez bir zamanda baxılaraq probleminin həllini tapmasında göstərdikləri köməkliyə görə Binəqədi RPİ-nin 5-ci Polis Bölməsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir. 

Vətəndaş Zəhra Allahverdiyeva Yasamal rayonunun bir qrup sakini adından DİN rəhbərliyinə ünvanladığı təşəkkür məktubunda narkotiklərin satışı və istifadəsinə qarşı Azərbaycan Polisinin apardığı qətiyyətli mübarizə tədbirlərini yüksək qiymətləndirir.

Sumqayıt şəhər sakini İlkin Nurullayev DİN-ə ünvanladığı elektron müraciətində itirdiyi mobil telefonunun tez bir zamanda tapılıb ona təhvil verilməsində göstərdikləri köməkliyə görə Sumqayıt ŞPİ-nin 4-cü PB-nin əməkdaşlarına təşəkkürünü bildirir.

Vətəndaşlar Kamran Ağayev və Səfa Əsədov etdikləri müraciətə həssaslıqla yanaşılaraq qısa zaman kəsiyində həll olunduğuna görə Azərbaycan Polisinə minnətdarlıqlarını bildirirlər.

Bakı şəhər sakini Emin Abdullayev etdiyi müraciətə çevik reaksiya verilərək, eləcə də ona dəymiş maddi ziyanın ödətdirilməsində göstərdikləri köməkliyə görə DİN rəhbərliyinə və Bakı şəhər Baş Polis İdarəsinin əməkdaşlarına təşəkkürünü bildirir.

Şəki rayon sakini Nakam Musayev təşəkkür məktubunda xidməti vəzifələrinin öhdəsindən layiqincə gəldiyinə, vətəndaşlara qarşı sərgilənən diqqətə və yüksək mədəni davranışa görə DİN rəhbərliyinə və Şəki ŞRPŞ-nin DYPB-nin əməkdaşlarına təşəkkürünü bildirir.

Jurnalist, Bakı şəhər sakini Pərvin Abışova müraciətinə həssaslıqla yanaşaraq, dilənçilik edən azyaşlı barədə xəbər verdikdən sonra, həmin uşağı sığınacağa yerləşdirilməsinə görə Azərbaycan Polisinə təşəkkür edir.

Bakı şəhər sakini Ceyhun Fərəcli təşəkkür məktubunda xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştrakına görə DİN rəhbərliyinə və Binəqədi RPİ 43-cü PB-nin əməkdaşlarına razılıq ifadə edir.