Lənkəran şəhər sakini Rza Mirzəzadə DİN rəhbərliyinə ünvanladığı təşəkkür məktubunda müraciətinin Lənkəran ŞRPŞ-də obyektiv araşdırılmasına və müsbət həll olunmasına görə minnətdarlığını bildirir.

Vətəndaş Şəfəq Mehralıyeva “Facebook” sosial şəbəkəsindəki hesabında Daxili İşlər Nazirliyinin əməkdaşlarına təşəkkür postu paylaşıb. O, Laçın-Şuşa yolunun bir hissəsində ekoloji terrora son qoyulması tələbi ilə keçirilən aksiyada Daxili İşlər Nazirliyinin əməkdaşlarının təhlükəsizliyi və ictimai asayişi əzmlə qoruduğunu, üzərlərinə düşən xidməti vəzifələri layiqincə yerinə yetirdiklərini qeyd edərək bunun qürurverici olduğunu bildirir, çətin və şərəfli xidmətlərində onlara uğurlar arzulayır.

Bakı şəhər sakini Aidə Həsənova Daxili İşlər Nazirliyinə ünvanladığı məktubunda şikayətinə operativ baxıldığını, Sabunçu Rayon Polis İdarəsinin 13-cü Polis Bölməsində araşdırma aparılaraq qısa müddətdə müvafiq tədbirlərin görüldüyünü qeyd edir. 
O, xidməti vəzifələrini və peşə fəaliyyətini layiqincə yerinə yetirən 13-cü Polis Bölməsinin əməkdaşlarına təşəkkürünü bildirir.

“Polisə Dəstək” İctimai Birliyinin sədri Şəmsəddin Əliyev “Facebook” sosial şəbəkəsindəki hesabında Daxili İşlər Nazirliyin əməkdaşlarına təşəkkür postu paylaşıb.
O, Laçın-Şuşa yolunun bir hissəsində ekoloji terrora son qoyulması tələbi ilə keçirilən aksiyada Daxili İşlər Nazirliyinin əməkdaşlarının təhlükəsizliyi və ictimai asayişi əzmlə qoruduğunu, üzərlərinə düşən xidməti vəzifələri layiqincə yerinə yetirdiklərini qeyd edərək bunun qürurverici olduğunu bildirir, çətin və şərəfli xidmətlərində onlara uğurlar arzulayır.

Bakı şəhər sakini Nazim Abdullayev Azərbaycan polisinə ünvanladığı təşəkkür məktubunda bildirir: “Azərbaycan vətəndaşı kimi Daxili İşlər Nazirliyinin əməkdaşlarının işini yüksək qiymətləndirirəm. Azərbaycan xalqının güvən yeri olan polislərimizə şərəfli xidmətlərində uğurlar arzulayıram. Təhlükəsiz şəraitdə yaşayırıqsa, polislərimizin əziyyəti danılmazdır”.

Bir qrup vətəndaş DİN rəhbərliyinə ünvanladığı təşəkkür məktubunda xidməti vəzifələrinin öhdəsindən layiqincə gəldiyinə, vətəndaşlara qarşı sərgilənən diqqətə və yüksək mədəni davranışa görə Azərbaycan Polisinə təşəkkürünü bildirir.  

Bakı şəhər sakini Emil Əliyevin etdiyi müraciətlə bağlı Nərimanov Rayon Polis İdarəsinin əməkdaşları tərəfindən aparılan istintaqdan, ona dəymiş ziyanın qısa zaman kəsiyində ödətdirilməsindən razılığını ifadə edir.

Vətəndaş Günel Əliyeva şikayətinə operativ şəkildə baxılaraq müsbət həllini tapmasında göstərdikləri köməkliyə görə Binəqədi RPİ 5-ci Polis Bölməsinin əməkdaşlarına təşəkkürünü bildirir. O, müraciətlərə həssaslıqla yanaşılmasının polis-vətəndaş münasibətlərinin daha yaxşılaşmasına zəmin yaratdığını bildirir. 

Vətəndaş Sübhan Cəbrayıllı DİN rəhbərliyinə ünvanaldığı təşəkkür məktubunda oğurlanan mobil telefonunun tez bir zamanda tapılıb ona təhvil verilməsində göstərdikləri köməkliyə görə Binəqədi RPİ 5-ci Polis Bölməsinin əməkdaşlarının xidməti fəaliyyətini yüksək dəyərləndirir.