Bakı şəhər sakini Şəbnəm Əliyeva məktubunda bank kartından oğurluq edilməsi ilə bağlı müraciəti üzrə obyektiv araşdırma aparıldığını və operativ tədbirlərin həyata keçirildiyini yazır. O, müraciətinə həssaslıqla yanaşılmasına və operativliyə görə DİN rəhbərliyinə və Azərbaycan polisinə təşəkkürünü bildirir, çətin və şərəfli xidmətində uğurlar arzulayır. 

Vətəndaş Məzahim İbadov DİN-in “Instagram” səhifəsinə təşəkkür mesajı yazıb. O, Pirallahı qəsəbəsi ərazisində üzləşdiyi avtoqəza zamanı ərazidə xidmət aparan polis əməkdaşlarının ona ilkin tibbi yardım və lazımi köməklik göstərdiklərini qeyd edir. M.İbadov humanistliyə, göstərilən diqqət və qayğıya görə Pirallahı Rayon Polis İdarəsinin əməkdaşlarına təşəkkürünü bildirir.

Bakı şəhər sakini Cahangir Əliyev məktubunda paytaxtın Nizami rayonunda yaşadığı ərazidə ictimai qaydanın etibarlı qorunduğunu, polis əməkdaşları tərəfindən vətəndaşlara diqqət və qayğı göstərildiyini, müraciətlərinə daim həssaslıqla yanaşıldığını qeyd edir. 
O, DİN rəhbərliyinə və xidməti vəzifələrini layiqincə yerinə yetirən Azərbaycan polisinə təşəkkürünü bildirir, çətin və şərəfli xidmətində uğurlar arzulayır. 

Vətəndaş Elman Hüseynov DİN-in “Instagram” səhifəsinə təşəkkür mesajı yazıb. O, Pirallahı rayonu ərazisində üzləşdiyi yol-nəqliyyat hadisəsi ilə əlaqədar Pirallahı Rayon Polis İdarəsində obyektiv araşdırma aparıldığını və müvafiq tədbirlərin həyata keçirildiyini qeyd edir. E.Hüseynov DİN rəhbərliyinə və Pirallahı Rayon Polis İdarəsinin əməkdaşlarına təşəkkürünü bildirir.

Mingəçevir şəhər sakini Vasif Qasımov DİN rəhbərliyinə ünvanladığı təşəkkür məktubunda müraciətinin obyektiv araşdırılmasına görə, Mingəçevir ŞPŞ-nin əməkdaşlarına minnətdarlığını bildirir.

Vətəndaş Aysu Hüseynova Daxili İşlər Nazirliyinə ünvanladığı məktubunda müraciətinə operativ reaksiya verildiyinə görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.

Goranboy rayon sakini Günel Əhmədova məktubunda üzləşdiyi problemlə bağlı müraciətinə operativ reaksiya verilərək müsbət həll olunmasında göstərilən köməkliyə görə Azərbaycan polisinə təşəkkürünü bildirir.

Vətəndaşlar Qumru Fərhadova və Pərihan Ələkbərova DİN-ə ünvanladıqları məktublarında xidməti vəzifələrini və peşə fəaliyyətini  layiqincə yerinə yetirdiyinə görə Azərbaycan Polisinə minnətdarlıq edir.

Gəncə şəhər sakini Tural Abbasov müraciəti ilə əlaqədar məsələnin müsbət həllini tapmasına və vətəndaş məmnunluğunun təmin edilməsinə görə DİN rəhbərliyinə təşəkkürünü bildirir.