Sosial şəbəkə istifadəçisi Lütfi Behnam oğlunun DİN Daxili Qoşunlarında xidmət etdiyini bildirir. Müəllif orada əsgərlər üçün yaradılan hərtərəfli şəraitə, eləcə də göstərilən diqqət və qayğıya görə Daxili İşlər Nazirliyinə, Daxili Qoşunların rəhbərliyinə və şəxsi heyətinə təşəkkürünü ifadə edir.

Ağdam rayon sakini Kifayət Mustafayeva ictimai asayişin və təhlükəsizliyin təmin olunmasında, hüquqazidd əməllərin qarşısının alınmasında, vətəndaşların qanuni mənafelərinin, eləcə də hüquq və azadlıqlarının etibarlı qorunmasında xidməti vəzifə borclarını layiqincə yerinə yetirdiklərinə görə Azərbaycan Polisinə minnətdarlığını yazır.

Bakı şəhər Sabunçu rayon Nardaran qəsəbəsinin bir qrup sakini məhərrəmlik ayında qəsəbədə ictimai asayişin, ictimai qaydanın, eləcə də təhlükəsizliyin yüksək səviyyədə təmin olunmasında göstərdikləri fədakar xidmətlərə görə Azərbaycan Polisinə təşəkkürünü bildirir.

Sosial şəbəkə istifadəçisi Cavid İsgəndərli yaşadığı ünvanın yaxınlığında dönər satışı ilə məşğul olan obyektin səkiyə masalar qoyaraq vətəndaşların gediş-gəlişində yaratdığı çətinliklə bağlı etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Yasamal RPİ 29-cu Polis Şöbəsinin rəhbərliyinə və şəxsi heyətinə minnətdarlığını ifadə edir.

Şəhid anası olan Məlahət Məmmədova məktubunda üzləşdiyi dələduzluq faktı ilə bağlı Suraxanı Rayon Polis İdarəsinə etdiyi müraciətinə həssaslıqla yanaşıldığını, obyektiv araşdırma aparılaraq qısa müddətdə müraciətinin müsbət həll olunduğunu qeyd edir. O, göstərilən diqqət və qayğıya, müraciətinə həssas yanaşılmasına və operativliyə görə DİN rəhbərliyinə və Suraxanı RPİ-nin əməkdaşlarına təşəkkürünü bildirir. 

“Gununsesi.info” xəbər saytında “Daxili işlər nazirininin göstərişindən sonra Şəhid anasının dələduzluq yolu ilə alınan pulu qaytarıldı” başlıqlı DİN rəhbərliyinə təşəkkür məqaləsi dərc olunub. Məqalədə Şəhid olmuş oğlu Nicat Xələfovun adının əbədiləşdirilməsi adı ilə aldadılaraq anası Dilarə Xələfovanın pullarının ələ keçirilməsi barədə xəbər saytında dərc edilən məqaləyə Daxili İşlər Nazirliyindən çevik reaksiya verildiyi, obyektiv araşdırma aparılaraq qısa müddətdə ailəyə dəyən maddi ziyanın geri qaytarıldığı qeyd olunur. 
Dilarə Xələfova şəhid ailələrinə göstərilən diqqət və qayğıya, müraciətlərinə həssas yanaşılmasına görə DİN rəhbərliyinə təşəkkürünü bildirir. 

Jurnalist Samid Əmrəliyev “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, Şirvan şəhəri ərazisində narkotiklərin qanunsuz dövriyyəsinə qarşı aparılan qətiyyətli mübarizə tədbirlərinə, eyni zamanda ictimai asayişin və ictimai təhlükəsizliyin təmin olunmasında apardıqları əvəzolunmaz xidmətlərə görə başda DİN rəhbərliyi olmaqla, Şirvan ŞPŞ-nin rəhbərliyinə və əməkdaşlarına minnətdarlığını bildirir.

İmişli rayon sakini Dərgah Mehtiyev üzləşdiyi oğurluq hadisəsi ilə bağlı etdiyi müraciətinin müsbət həll olunması görə DİN rəhbərliyinə minnətdarlığını bildirir.

Ağdaş rayon sakini Zülfiyyə Məmmədova müraciətinin müsbət həll olunmasına və ona dəymiş maddi ziyanın ödətdirilməsinə görə Mingəçevir ŞPŞ-nin əməkdaşlarına minnətdarlığını bildirir.