Sumqayıt şəhər sakini Günay Sadıqova hüquqlarının bərpa olunmasında ona göstərilən köməyə görə Azərbaycan Polisinə təşəkkürünü bildirir. O, vətəndaş münasibətlərinə həssaslıqla yanaşılmasının polis-vətəndaş münasibətlərinin daha da yaxşılaşmasına zəmin yaratdığını bildirir.

Siyəzən şəhər sakini Raman Sədrəddinov elektron müraciətində ölkəmizdəki ictimai sabitliyə, cinayətkarlığa və narkotiklərin qanunsuz dövriyyəsinə qarşı qətiyyətli mübarizəyə görə DİN rəhbərliyi başda olmaqla Azərbaycan Polisinə təşəkkürünü bildirir.

Sosial şəbəkə izləyicimiz Cahid Şükürov onlayn müraciətində ona dəyən ziyanın ödənilməsində göstərilən köməkliyə görə Sabunçu RPİ-nin 15-ci Polis Bölməsinin əməkdaşlarına təşəkkürünü bildirir.

Xırdalan şəhər sakini Elşad Abdullayev Daxili İşlər Nazirliyinə ünvanladığı məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar atrzulayır.

Bakı şəhər sakini İman Xəlilov məktubunda torpaq sahəsinin ələ keçirilməsi ilə bağlı müraciətinə çevik reaksiya verildiyini, araşdırma aparılaraq qısa müddətdə müsbət həll olunduğunu və ona dəymiş maddi ziyanın ödətdirildiyini qeyd edir. O, müraciətinə operativ reaksiya verilməsinə, obyektiv araşdırmalara görə DİN rəhbərliyinə və xidməti vəzifələrini layiqincə yerinə yetirən Azərbaycan polisinə minnətdarlığını bildirir.

Bakı şəhər sakini Höküməxanım İsrafilova DİN-in “Instagram” səhifəsinə təşəkkür mesajı yazıb. O, oğurluq faktı ilə bağlı səhifə vasitəsilə etdiyi müraciətinə çevik reaksiya verildiyini, Suraxanı Rayon Polis İdarəsinə dəvət olunduğunu və müvafiq araşdırmalara başlanıldığını qeyd edir. H.İsrafilova müraciətinə operativ baxıldığına və göstərilən diqqətə görə DİN rəhbərliyinə minnətdarlığını bildirir.

Astara rayon sakini Aslan Məmmədov DİN rəhbərliyinə ünvanladığı təşəkkür məktubunda yollarda hərəkətin təhlükəsizliyi və baş verə biləcək qəzaların qarşısının alınması istiqamətində görülən tədbirlərə, vətəndaşların müraciətlərinə həssaslıqla yanaşılmasına görə Astara RPŞ-nin dövlət yol polisi bölməsinin əməkdaşlarına minnətdarlığını bildirir.

Astara rayon Ərçivan qəsəbəsinin bir qrup sakini DİN rəhbərliyinə ünvanladıqları təşəkkür məktubunda cinayətkarlığa qarşı mübarizədə atılan qətiyyətli addımlara, ictimai qaydanın və asayişin etibarlı şəkildə qorunmasına görə Astara RPŞ-nin əməkdaşlarına minnətdarlıqlarını ifadə edir.

Lənkəran rayon sakini Asif Əskərov DİN rəhbərliyinə ünvanladığı təşəkkür məktubunda xidməti vəzifələrinin öhdəsindən layiqincə gəldiklərinə, o cümlədən cinayətkarlığa qarşı mübarizədə göstərilən qətiyyətə görə Lənkəran ŞRPŞ-nin rəhbərliyindən razılığını ifadə edir.