Sosial şəbəkə istifadəçisi Qəmər Əhmədova pozulmuş hüquqlarının bərpa olunmasında göstərdikləri köməkliyə görə Azərbaycan Polisinə təşəkkürünü bildirir. 

Cəlilabad rayon sakini Mətanət Paşayeva Vətən müharibəsi şəhidi olan oğlunun abidəsində abadlıq işlərinin aparılmasına kömək göstərilməsi ilə bağlı etdiyi müraciətə həssaslıqla yanaşılmasına və dərhal müvafiq köməyin göstərilməsinə görə DİN rəhbərliyinə minnətdarlığını bildirir.

Cəlilabad rayon sakinləri Davud Feyziyev və Günay Əliyeva, Biləsuvar rayon sakini Anar Məcidov onları narahat edən məsələlərlə bağlı etdikləri müraciətə müsbət reaksiya verildiyinə və köməklik göstərildiyinə görə DİN rəhbərliyinə minnətdarlıqlarını ifadə edirlər. 

Sosial şəbəkə izləyicisi Elnur Qasımov vətəndaş müraciətlərinə həssas reaksiya göstərilməsinə, cinayətkarlığa qarşı aparılan qətiyyətli mübarizəyə görə Biləsuvar Rayon Polis Şöbəsinin rəhbərliyinə təşəkkürünü bildirir.

Cəlilabad rayon sakini Mərziyə Xubalıyeva evindən oğurluq edən şəxsin müəyyən olunmasına və ona dəyən maddi ziyanın ödənilməsinin təmin edilməsinə görə Cəlilabad Rayon Polis Şöbəsinin əməkdaşlarına təşəkkürünü bildirir

Sosial şəbəkə izləyicisi Şükran Bayramlı və Masallı rayon sakini Ceyhun Məmmədov üzləşdikləri çətinliklə bağlı Biləsuvar Rayon Polis Şöbəsinə etdikləri müraciət əsasında onlara köməklik göstərilməsinə və məsələnin müsbət həllini tapmasına görə minnətdarlıqlarını bildirirlər.

Biləsuvar rayon sakini İlyas Mirzəyev xidməti vəzifələrini layiqincə yerinə yetirdiklərinə görə DİN-in Baş Mühafizə İdarəsinin əməkdaşlarına öz təşəkkürünü bildirir.

Lənkəran rayon sakini Kamran Kazımov DİN rəhbərliyinə ünvanladığı təşəkkür məktubunda rayon ərazisində baş verən cinayətlərin qısa zaman ərzində açılmasının təmin edilməsinə və cinayətkarlığa qarşı mübarizədə görülən tədbirlərə görə Lənkəran ŞRPŞ-nin əməkdaşlarına minnətdarlığını bildirir.

Biləsuvar rayon sakini Hüseyn Süleymanov müraciətlərinin Binəqədi RPİ-də obyektiv araşdırılmasına və onlara dəyən maddi ziyanın ödənilməsinin təmin edilməsinə görə DİN rəhbərliyinə öz təşəkkürünü bildirir.