Bakı şəhər sakini Ürfan Əmirov DİN-in “İnstagram” səhifəsi vasitəsilə ünvanladığı müraciətinə həssas yanaşıldığına və probleminin həllində göstərilən köməkliyə görə DİN rəhbərliyinə və şəxsi heyətinə minnətdarlığını bildirir.

Bakı şəhər sakini Mirsəttar Nəzərli Daxili İşlər Nazirliyinə ünvanladığı məktubunda ictimai qaydanın və təhlükəsizliyin təmin olunmasında, vətəndaşların qanuni mənafelərinin qorunmasında, hüquqazidd əməllərin qarşısının alınmasında xidməti vəzifə borclarını layiqincə yerinə yetirən və fədakarlıq nümayiş etdirdirən Azərbaycan Polisinə minnətdarlığını bildirir, çətin və şərəfli işlərində uğurlar arzu edir.  

Binəqədi qəsəbə sakini Sadiq Mehrəli narkomaniyaya qarşı mübarizədə və oğurluq hadisələrinin isti izlərlə açılmasında Azərbaycan Polisinin xidməti fəaliyyətini yüksək dəyərləndirir, Binəqədi RPİ-nin 43-cü Polis Bölməsinin əməkdaşlarına təşəkkürünü bildirir. 

Bakı şəhər sakini Şahin Qulusoy müraciətinə həssaslıqla yanaşıldığına görə Nərimanov RPİ-nin 18-ci Polis Şöbəsinin əməkdaşlarına təşəkkürünü bildirir. O, Azərbaycan Polisinin xidməti fəaliyyətini yüksək dəyərləndirir və uğurlar diləyir. 

Abşeron rayon sakini Yeganə Ramazanova ona məxsus 750 manatının oğurlanması ilə bağlı şikayətinə operativ şəkildə baxılaraq, oğurluğu törədən şəxsin tez bir zamanda tapılaraq ona dəyən ziyanın ödənilməsində göstərdikləri köməkliyə görə Binəqədi RPİ-nin 4-cü Polis Bölməsinin əməkdaşlarına təşəkkürünü bildirir. 

Bakı şəhər sakini Fərid Hüseynov şikayətinə operativ və obyektiv şəkildə baxılaraq probleminin müsbət həllini tapmasında göstərdikləri köməyə görə Binəqədi RPİ-nin 4-cü Polis Şöbəsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasının polis-vətəndaş münasibətlərinin daha da yaxşılaşmasına zəmin yaratdığını qeyd edir.

Bakı şəhər sakini Siyafər Zeynalov itinin oğurlanması ilə bağlı şikayətinə tez bir zamanda baxılaraq tapılıb ona təhvil verilməsində göstərdikləri köməyə görə Binəqədi RPİ-nin 4-cü Polis Şöbəsinin əməkdaşlarına təşəkkürünü bildirir. 

Bakı şəhər sakini Rəşad Mursaqulov DİN rəhbərliyinə ünvanladığı təşəkkür məktubunda müraciətinə tez bir zamanda baxılaraq ona dəyən ziyanın ödənilməsində göstərdikləri köməkliyə görə Sumqayıt Şəhər Polis İdarəsinin əməkdaşlarına təşəkkürünü bildirir. 

Binəqədi rayonundan bir qrup sakin DİN rəhbərliyinə ünvanladıqları müraciətdə şikayətlərinə həssaslıqla yanaşılaraq yaşadıqları binada baş vermiş oğurluq hadisəsinin üstünün tez bir zamanda açılmasında göstərdikləri köməyə görə Nərimanov RPİ-nin 16-cı Polis Bölməsinin əməkdaşlarına təşəkkürünü bildirirlər.