Sosial şəbəkə istifadəçisi Şəbnəm Kərimova üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Azərbaycan Polisinə minnətdarlığını yazır.

Vətəndaş Fuad Kərimov ona məxsus obyektin elektrik xəttinə qeyri-qanuni müdaxilə edilməsi ilə bağlı polisə müraciət etdiyini yazır. Bildirir ki, müraciətinə dərhal reaksiya verilmiş və problem aradan qaldırılmışdır. Buna görə Nəsimi RPİ 21-ci Polis Bölməsinin rəhbərliyinə və əməkdaşlarına təşəkkürünü bildirir.

Sosial şəbəkə istifadəçisinin metroda itirdiyi əşyasının qısa zaman kəsiyində tapılaraq ona qaytarılmasında göstərdikləri köməkliyə görə Azərbaycan Polisinə minnətdarlığını ifadə edir.

Sosial şəbəkə istifadəçisi Selcan Abbas metroda itirdiyi ona məxsus içində mühüm sənədlər olan pulqabının qısa zaman kəsiyində tapılaraq qaytarılmasında göstərdikləri köməkliyə görə Bakı Metropolitenində Polis İdarəsinin rəhbərliyinə və şəxsi heyətinə təşəkkürünü yazır. 

Bakı şəhər sakini Fazil Zeyfatov üzləşdiyi oğurluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində cinayəti törədən şəxsin saxlanılmasında, eləcə də ona dəymiş ziyanın ödətdirilməsində göstərdikləri köməkliyə görə Pirallahı RPİ-nin rəhbərliyinə və əməkdaşlarına minnətdarlığını bildirir. 

Sosial şəbəkə istifadəçisi Saleh Cəfərov müalicə olunması ilə əlaqədar ona köməklik göstərilməsi üçün DİN-ə müraciət etdiyini yazır. O, müraciətinə müsbət cavab aldığını, tam müalicə olunaraq sağalıb evinə qayıtdığını bildirir. Yaradılan şəraitə görə DİN rəhbərliyinə, eləcə də müalicəsində əməyi olan DİN-in Qospitalının kollektivinə təşəkkürünü ifadə edir. 

Türkiyə Respublikasının vətəndaşı Mahmut Karcı üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Azərbaycan Polisinə minnətdarlığını yazır. 

Azərbaycan Uşaqlar Birliyi-Uşaq Sığınacağı Reinteqrasiya Mərkəzinin sədri Kəmalə Ağazadə “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, Mərkəzin fəaliyyətinə, həmçinin sığınacaq sakinlərinə göstərilən diqqət və qayğıya görə DİN rəhbərliyinə və Azərbaycan polisinə təşəkkürünü bildirir. 

Təmiz Dünya Qadınlara Yardım İctimai Birliyinin sədri Mehriban Zeynalova “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, qadınlara qarşı gender əsaslı zorakılıqla mübarizədə ən yaxşı tərəfdaşlıq nümayiş etdirdiklərinə, həmçinin fəaliyyətlərində göstərilən diqqət və qayğıya görə DİN rəhbərliyinə və İnsan Alverinə Qarşı Mübarizə Baş İdarəsinin əməkdaşlarına təşəkkürünü bildirir.