Bakı şəhər sakini Nazim Abdullayev Daxili İşlər Nazirliyinin əməkdaşlarına təşəkkür məktubu ünvanlayıb: “Soyuq, qarlı və şaxtalı havada 24 saat fasiləsiz xalqımızın keşiyində duran, operativ xidmət edən polis əməkdaşlarına təşəkkürümü bildirirəm. DİN rəhbərliyinə minnətdarlığımı bildirir, çətin və şərəfli xidmətlərində uğurlar arzulayıram”. 

Abşeron rayon sakini Şamil Anqbazov Daxili İşlər Nazirliyinə ünvanladığı məktubunda gecə-gündüz yorulmadan xidmət aparan, ictimai asayişi və ictimai təhlükəsizliyi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

Sosial şəbəkə istifadəçisi Samid Əmrəliyev “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, xidməti vəzifələrini və peşə fəaliyyətini layiqincə yerinə yetirdiklərinə görə başda DİN rəhbərliyi olmaqla, Şirvan ŞPŞ-nin rəhbərliyinə və DYPB-nin əməkdaşlarına minnətdarlığını bildirir.

Bir qrup vətəndaş üzləşdikləri problemlə əlaqədar etdikləri müraciətə həssaslıqla yanaşılaraq qısa zaman kəsiyində həll olunmasında göstərilən köməkliyə görə Azərbaycan Polisinə minnətdarlığını bildirirlər.

Sosial şəbəkə istifadəçisi Ayşən Dosməmmədova DİN rəhbərliyinə ünvanladığı təşəkkür məktubunda rayon ərazisində ictimai asayişin etibarlı təmin olunmasına görə Xocalı RPŞ-nin rəhbərliyinə minnətdarlığını bildirir.

DİN-in “Facebook” səhifəsinin “Musgunaz Seferova” adlı izləyicisi müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə, DİN rəhbərliyinə təşəkkürünü bildirir.

Tovuz rayon sakini Sahib Ələsgərov DİN rəhbərliyinə ünvanladığı təşəkkür məktubunda xidməti vəzifələrinin öhdəsindən layiqincə gəldiyinə görə Tovuz RPŞ-nin əməkdaşlarından razılığını ifadə edir.

Vətəndaş Həsrət Mahmudov DİN-in “Instagram” səhifəsinə təşəkkür mesajı yazıb. O, Naxçıvan Muxtar Respublikasının Daxili İşlər Nazirliyində müraciət edən vətəndaşların nəzakətlə qarşılanaraq dinlənildiyini, müraciətlərinə həssaslıqla yanaşıldığını, obyektiv araşdırma aparılması üçün müvafiq göstərişlər verildiyini qeyd edir, göstərilən diqqət və qayğıya, humanizmə, obyektivliyə, vətəndaş məmnunluğu üçün yaradılan şəraitə görə ölkə və DİN rəhbərliyinə təşəkkürünü bildirir.       

Bakı şəhər sakini Kənarə Məmmədova məktubunda müraciəti ilə əlaqədar Baş Mühafizə İdarəsində müvafiq araşdırma aparılaraq qısa müddətdə müsbət həll olunduğunu qeyd edir. O, göstərilən diqqətə və operativliyə görə Baş Mühafizə İdarəsinin əməkdaşlarına təşəkkürünü bildirir.