Vətəndaş Fəxrəddin Əliyev məktubunda avtomobilini texniki baxışdan keçirmək üçün Baş Dövlət Yol Polisi İdarəsinin Zabrat qəsəbəsi və Qaradağ rayonu ərazisində yerləşən müayinə mərkəzinə getdiyini yazır. O, Müayinə mərkəzində əməkdaşların xoş rəftar və nəzakətli davranışılarını, ona göstərdikləri diqqət və qayğını qeyd edərək DİN rəhbərliyinə və BDYPİ-nin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.  

Vətəndaş İlqar Salmanov öz məktubunda belə operativliyə, gecəli-gündüzlü gərgin fəaliyyətə, cinayətkarlığa qarşı apardıqları qətiyyətli mübarizəyə görə özü, ailəsi və qonşuları adından polis əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Vətəndaş Fizuli Səftərov rayon ərazisində sosial neqativ halların, narkotik vasitələrin və psixotrop maddələrin qanunsuz dövriyyəsinin qarşısının alınması ilə bağlı müraciətinə baxıldığına və həyata keçirilən operativ tədbirlərlə görə DİN rəhbərliyinə və Baş Narkotiklərlə Mübarizə İdarəsinin əməkdaşlarına minnətdarlığını bildirir.

Vətəndaş Pərviz Əzizov avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışılarına görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.

Vətəndaş Emil Fərzəliyev birgəyaşayış qaydasının pozulması və məişət səs-küyü ilə bağlı etdiyi müraciətə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə minnətdarlığını bildirir.

Vətəndaş Aytən Səfərova qohumunun böhtana məruz qalması ilə bağlı müraciətinə həssas yanaşıldığına, yüksək peşəkarlıqla keçirilmiş operativ tədbirlərlə özünün və ailəsinin təhlükəsizliyinin təmin olunmasına görə DİN rəhbərliyinə və Sabunçu Rayon Polis İdarəsinin əməkdaşlarına minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır.

Qazax rayon sakini Təhminə Məmmədova DİN-in “Instagram” səhifəsinə təşəkkür mesajı yazıb. O, müraciətinə operativ baxıldığına, Qazax Rayon Polis Şöbəsinə dəvət olunaraq dinlənildiyinə və müvafiq araşdırmalara başlanıldığına görə DİN rəhbərliyinə və Azərbaycan Polisinə təşəkkürünü bildirir.

Bakı şəhər sakini Nazim Abdullayev Daxili İşlər Nazirliyinə ünvanladığı məktubunda ictimai qaydanın və təhlükəsizliyin təmin olunmasında, vətəndaşların qanuni mənafelərinin qorunmasında, hüquqazidd əməllərin qarşısının alınmasında xidməti vəzifə borclarını layiqincə yerinə yetirən və fədakarlıq nümayiş etdirən Azərbaycan Polisinə minnətdarlığını bildirir, çətin və şərəfli işlərində uğurlar arzu edir.

Bakı şəhər sakini Xanım Cəfər-zadə şəhid ailələrinin, qazilərin sosial rifahının yüksəldilməsində, onların problemlərinin həll olunmasında göstərdikləri diqqət və qayğıya, eləcə də köməkliyə görə Azərbaycan Polisinə minnətdarlığını bildirir.