Bakı şəhər sakini Aidə Mirzəyeva məktubunda müraciətinə diqqətlə yanaşıldığını, Saatlı Rayon Polis Şöbəsində baxılaraq aidiyyəti üzrə göndərildiyini qeyd edir. O, müraciətinin müsbət həll edildiyi üçün DİN rəhbərliyinə minnətdarlığını bildirir.  

Babək rayonunun Nehrəm qəsəbə sakini Abasəd Qənbərov teleqramında Naxçıvan Muxtar Respublikasının Daxili İşlər Nazirliyinə etdiyi müraciətə dərhal reaksiya verildiyini, aparılan obyektiv araşdırma nəticəsində ona dəymiş zərərin ödətdirildiyini və müraciətinin qısa müddətdə müsbət həll olunduğunu bildirir.
O, Naxçıvan Muxtar Respublikasının Daxili İşlər Nazirliyində müraciət edən vətəndaşların nəzakətlə qarşılanaraq dinlənildiyini, müraciətlərinə həssaslıqla yanaşıldığını, obyektiv araşdırma aparılması üçün müvafiq göstərişlər verildiyini qeyd edir, göstərilən diqqət və qayğıya, humanizmə, obyektivliyə, vətəndaş məmnunluğu üçün yaradılan şəraitə görə ölkə və DİN rəhbərliyinə təşəkkürünü bildirir.

Beyləqan rayon sakini Ruslan Əliyev müraciətinin müsbət həll olunmasına görə Beyləqan Rayon Polis Şöbəsinin əməkdaşlarına təşəkkür edir.

Bir qrup sakin müraciətinin müsbət həll olunmasına görə Ağcabədi Rayon Polis Şöbəsinin əməkdaşlarına minnətdarlığını ifadə edir. 

Bərdə rayon sakini Oqtay Məmmədov xidməti vəzifələrini layiqincə yerinə yetirdiyinə görə Bərdə Rayon Polis Şöbəsinin əməkdaşlarına minnətdarlığını bildirir. 

Ağcabədi rayon sakini, şəhid atası Qafar Mamedov peşə fəaliyyətini layiqincə yerinə yetirdiyinə görə Ağcabədi Rayon Polis Şöbəsinin əməkdaşlarına minnətdarlığını ifadə edir.

Tərtər rayon sakini İman Almuradov göstərilən diqqət və qayğıya görə DİN rəhbərliyinə minnətdarlığını bildirir. 

Bakı şəhər sakini Ceyhun Babayev DİN-in “Facebook” səhifəsinə təşəkkür mesajı yazıb. O, müraciətinə həssaslıqla yanaşılaraq mübət həll edilməsinə görə Azərbaycan Polisinə təşəkkürünü bildirir.

Bakı şəhər sakini Vüsal Hacıyev DİN-in “Facebook” səhifəsinə təşəkkür mesajı yazıb. O, DİN-in “Facebook” səhifəsi vasitəsilə ünvanladığı müraciətilə əlaqədar Sabunçu Rayon Polis İdarəsinin 13-cü Polis Bölməsinə dəvət edildiyini, nəzakətlə qarşılanaraq görülən işlər barədə məlumatlandırıldığını və müraciətinin müsbət həll edildiyini qeyd edir.
Müraciətinə həssas yanaşıldığına və həyata keçirilən operativ tədbirlərə görə Azərbaycan polisinə təşəkkürünü bildirir.