Vətəndaş Gözəl Əliyeva ünvanladığı məktubunda qonşusu tərəfindən anti-sanitariya qaydalarının pozulduğu həmçinin təhqirlərə məruz qaldığı barədə müraciət etdiyini qeyd edir. O, müraciətinə operativ baxıldığına, qısa müddətdə araşdırılaraq müvafiq tədbirlərin keçiridiyinə və pozulmuş hüquqlarının bərpa edildiyinə görə Yasamal Rayon Polis İdarəsinin əməkdaşlarına minnətdarlığını bildirir.    

Vətəndaş Əkbərov Məhəmməd itirdiyi mobil telefonu ilə bağlı etdiyi müraciətə  polis əməkdaşları tərəfindən peşəkarlıq nümaiş etdirilməklə qısa zamanda tapılaraq geri qaytarılmasına görə minnətdarlığını bildirir və DİO əməkdaşlarına peşəkar fəaliyyətlərində uğurlar arzu edir.

Vətəndaş Elnur Əkbərov naməlum şəraitdə mobil telefonunun itməsi ilə bağlı etdiyi müraciətə polis əməkdaşları tərəfindən operativlik nümaiş etdirilməklə qısa zamanda tapılaraq geri qaytarılmasına görə minnətdarlığını bildirir və DİO əməkdaşlarına təşəkkürünü bildirir.

Ordubad rayon sakini Səttar Rzayev polis əməkdaşlarınn vətəndaş müraciətlərinə həssas yanaşılmasına, göstərilən diqqətə və operativliyə görə DİN rəhbərliyinə təşəkkürünü bildirir.

Vətəndaş Səyyarə Heydərova Daxili İşlər Nazirliyinə ünvanladığı məktubunda polis əməkdaşlarının gecəli gündüzlü xidməti, ayıq-sayıqlığı sayəsində rayonda asayişin etibarlı qorunmasını və təhlükəsizliyin yüksək səviyyədə təmin edildiyini qeyd edərək özü və ailəsi adından DİN rəhbərliyinə və Nəsimi Rayon Polis İdarəsinin 22-ci Polis Bölməsinin şəxsi heyətinə təşəkkürünü bildirir.

Vətəndaş Nicat Məmmədov DİN-in “Instagram” səhifəsinə təşəkkür mesajı yazıb. O qarşılaşdığı problemlə bağlı səhifə vasitəsilə ünvanladığı müraciətinə dərhal reaksiya verildiyini bildirib. O, həmçinin Bakı Şəhər Dövlət Yol Polisi İdarəsinin əməkdaşları tərəfindən qeyd etdiyi məsələ ilə bağlı müvafiq tədbirlərin həyata keçirildiyini yazır.

Vətəndaş Kamil Gərayev üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və DİO əməkdaşlarına minnətdarlığını bildirir.

Bakı şəhər sakini Mikayıl Salimov məktubunda üzləşdiyi problemlə bağlı Xətai RPİ-nin 36-cı Polis Bölməsinə müraciət etdiyini, orada hörmətlə qarşılanaraq müvafiq araşdırma aparıldığını, hüquq və vəzifələrinin ona izah olunduğunu qeyd edir. O, müraciətinə diqqətlə yanaşılmasına, göstərilən diqqətə və xidməti vəzifələrini layiqincə yetirdiklərinə görə 36-cı Polis Bölməsinin əməkdaşlarına təşəkkürünü bildirir. 

Bakı şəhər sakini Zaur Eyvazov məktubunda övladının daxili işlər orqanlarında xidmətə qəbul edildiyini yazır. O, polis orqanlarında işləmək arzusunda olan gənclərin xidmətə qəbulu zamanı bütün proseslərin şəffaflıq və aşkarlıq prinsipləri əsasında reallaşdığının şahid olduğunu qeyd edərək yaradılan bu şəraitə görə DİN rəhbərliyinə təşəkkürünü bildirir.