Vətəndaş Leyla Hacıyeva məktubunda üzləşdiyi dələduzluqla bağlı müraciəti üzrə Yasamal Rayon Polis İdarəsində obyektiv araşdırma aparıldığını və müraciətinin müsbət həll olunaraq dəymiş maddi ziyanın ödətdirilməsində də köməklik göstərildiyini yazır. O, vətəndaş müraciətlərinə həssas yanaşılmasına görə DİN rəhbərliyinə, göstərilən köməkliyə görə Yasamal RPİ-nin əməkdaşlarına təşəkkür edir.

Vətəndaş İlqar Həsənov DİN-in “Instagram” səhifəsinə yazdığı mesajında oğlunun mobil telefonunun oğurlanması ilə bağlı Binəqədi Rayon Polis İdarəsinin 5-ci Polis Bölməsinə etdiyi müraciətinə operativ baxıldığını və həyata keçirilmiş tədbirlərlə telefonunun qısa müddətdə tapılaraq ona təhvil verildiyini bildirir.
O, vətəndaş müraciətlərinə həssas yanaşılmasına görə DİN rəhbərliyinə, operativlik və göstərilən köməklik üçün Binəqədi RPİ-nin əməkdaşlarına təşəkkür edir.

Vətəndaş Orxan Bədəlov DİN-in “Instagram” səhifəsinə yazdığı mesajında Xətai rayonu ərazisində üzləşdiyi yol-nəqliyyat hadisəsi ilə bağlı müraciəti üzrə Xətai Rayon Polis İdarəsində obyektiv araşdırma aparıldığını və müsbət həll edildiyini bildirir. O, vətəndaş müraciətlərinə həssas yanaşılmasına görə DİN rəhbərliyinə, göstərilmiş köməklik üçün Xətai RPİ-nin əməkdaşlarına təşəkkür edir.

Vətəndaş Zakir Əhmədov teleqramında Azərbaycan Respublikasının daxili işlər naziri tərəfindən keçirilən vətəndaş qəbulunda iştirak etdiyini, müraciəti üzrə müvafiq tapşırıqlar verildiyini və müsbət həll ilə nəticələndiyini yazır. O, göstərilən diqqətə, vətəndaş müraciətlərinə həssas yanaşılmasına və  vətəndaş məmnunluğu üçün yaradılan şəraitə görə DİN  rəhbərliyinə təşəkkürlərini bildirir, xidməti fəaliyyətlərində uğurlar arzulayır.

Vətəndaş Rəhman Məmmədov məktubunda Xəzər rayonu ərazisində üzləşdiyi yol-nəqliyyat hadisəsi ilə bağlı müraciəti üzrə Bakı şəhər Baş Polis İdarəsinin Dövlət Yol Polisi İdarəsində aparılan obyektiv araşdırmanın nəticəsindən razı olduğunu qeyd edir və göstərilmiş köməklik üçün həmin idarənin əməkdaşlarına təşəkkür edir.

Vətəndaş Zaur Əliyev DİN-in “Instagram” səhifəsinə yazdığı mesajında vətəndaş müraciətlərinə həssaslıqla yanaşmasına və xidməti vəzifələrini layiqincə yerinə yetirməsinə görə Pirallahı Rayon Polis İdarəsinin əməkdaşlarına təşəkkür edir, çətin və şərəfli xidmətlərində uğurlar arzulayır.

Vətəndaş Pərviz Təhməzov DİN-in “Instagram” səhifəsinə yazdığı mesajında Daxili İşlər Nazirliyinə ünvanladığı müraciətinə operativ baxılaraq obyektiv araşdırıldığını və müsbət həll olunduğunu bildirir. O, vətəndaş müraciətlərinə həssas yanaşılmasına və müraciətinin müsbət həllinin təmin edilməsinə görə DİN rəhbərliyinə təşəkkür edir.

Vətəndaş Nuranə Babayeva Daxili İşlər Nazirliyinə ünvanladığı məktubunda azyaşlı övladının səhhətinin qəflətən pisləşməsi ilə bağlı polisə müraciət etdiyini, səlahiyyətlərinə aid olmasa da ərazi üzrə polis orqanının əməkdaşları tərəfindən övladının aidiyyəti tibb müəssisəsinə yerləşdirilməsinə köməklik göstəridiyini  yazır. 
O, məktubunda qeyd edir: “Məhz bu anda yeganə ümidim Azərbaycan polisi oldu. “102” Xidməti-Zəng mərkəzinə müraciət etdikdən dərhal sonra ərazi üzrə polis bölməsindən əməkdaşlar gəldi. Onların çevik müdaxiləsi nəticəsində övladımın həyatı xilas edildi. Vətəndaş müraciətlərinə həssas yanaşılmasına görə DİN rəhbərliyinə, eləcə də bu ağır günlərdə mənə və övladıma həyat verən, öz vəzifəsini vicdanla və ləyaqətlə yerinə yetirən, adlarını bilmədiyim, lakin yaddaşımda dərin rəğbətlə xatırlanan həmin polis əməkdaşlarına dərin minnətdarlığımı bildirirəm. Azərbaycan polisinin xalqın xidmətində olduğunu bir daha yaşayaraq gördüm. Bu yüksək insani və peşəkar davranışınıza görə Sizə təşəkkür edirəm!” 

Vətəndaş Ramin Feyzullayev DİN-in “Instagram” səhifəsinə təşəkkür mesajı yazıb. O, üzləşdiyi problemlə bağlı müraciətinə çevik reaksiya verilərək qısa müddətdə həyata keçirilən tədbirlərə görə Xətai RPİ 37-ci Polis Şöbəsinin əməkdaşlarına təşəkkürünü bildirir.