Vətəndaş Səbuhi Məmmədli müraciətinə operativ reaksiya göstərilməsinə Beyləqan RPŞ-nin əməkdaşlarına təşəkkür edir. 

Bakı şəhər sakini Kamil Quliyev eynəyini itirməsi ilə bağlı etdiyi müraciətə operativ reaksiya verildiyinə, həmçinin qısa zaman kəsiyində tapılaraq ona qaytarılmasında göstərdikləri köməkliyə görə Yasamal RPİ-nin rəhbərliyinə və şəxsi heyətinə minnətdarlığını bildirir. 

Naxçıvan Muxtar Respublikası Culfa rayon sakini Babək Məmmədov ictimai asayişin və təhlükəsizliyin təmin olunmasında, hüquqazidd əməllərin qarşısının alınmasında, vətəndaşların qanuni mənafelərinin, eləcə də hüquq və azadlıqlarının etibarlı qorunmasında xidməti vəzifə borclarını layiqincə yerinə yetirdiklərinə görə Naxçıvan MR Daxili İşlər Nazirliyinin rəhbərliyinə və əməkdaşlarına təşəkkürünü ifadə edir. 

Sosial şəbəkə istifadəçisi Şəbnəm Kərimova üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Azərbaycan Polisinə minnətdarlığını yazır.

Vətəndaş Fuad Kərimov ona məxsus obyektin elektrik xəttinə qeyri-qanuni müdaxilə edilməsi ilə bağlı polisə müraciət etdiyini yazır. Bildirir ki, müraciətinə dərhal reaksiya verilmiş və problem aradan qaldırılmışdır. Buna görə Nəsimi RPİ 21-ci Polis Bölməsinin rəhbərliyinə və əməkdaşlarına təşəkkürünü bildirir.

Sosial şəbəkə istifadəçisinin metroda itirdiyi əşyasının qısa zaman kəsiyində tapılaraq ona qaytarılmasında göstərdikləri köməkliyə görə Azərbaycan Polisinə minnətdarlığını ifadə edir.

Sosial şəbəkə istifadəçisi Selcan Abbas metroda itirdiyi ona məxsus içində mühüm sənədlər olan pulqabının qısa zaman kəsiyində tapılaraq qaytarılmasında göstərdikləri köməkliyə görə Bakı Metropolitenində Polis İdarəsinin rəhbərliyinə və şəxsi heyətinə təşəkkürünü yazır. 

Bakı şəhər sakini Fazil Zeyfatov üzləşdiyi oğurluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində cinayəti törədən şəxsin saxlanılmasında, eləcə də ona dəymiş ziyanın ödətdirilməsində göstərdikləri köməkliyə görə Pirallahı RPİ-nin rəhbərliyinə və əməkdaşlarına minnətdarlığını bildirir. 

Sosial şəbəkə istifadəçisi Saleh Cəfərov müalicə olunması ilə əlaqədar ona köməklik göstərilməsi üçün DİN-ə müraciət etdiyini yazır. O, müraciətinə müsbət cavab aldığını, tam müalicə olunaraq sağalıb evinə qayıtdığını bildirir. Yaradılan şəraitə görə DİN rəhbərliyinə, eləcə də müalicəsində əməyi olan DİN-in Qospitalının kollektivinə təşəkkürünü ifadə edir.