Vətəndaş Rövşən Məmmədov və Vətən müharibəsi iştirakçısı olan Əlimurad Cəfərov DİN-in “Instagram” səhifəsinə təşəkkür mesajı yazıblar. Onlar baş vermiş yol-nəqliyyat hadisəsi ilə bağlı müraciətləri ilə əlaqədar Nərimanov Rayon Polis İdarəsinə dəvət olunduqlarını, yüksək hörmətlə qarşılandıqlarını və müvafiq araşdırmalara başlanıldığını qeyd edərək DİN rəhbərliyinə və Nərimanov RPİ-nin Təhqiqat şöbəsinin əməkdaşlarına minnətdarlıqlarını bildirirlər.

“Atvxeber.az” saytında Azərbaycan polisinə təşəkkür məqaləsi dərc edilib. Məqalədə qeyd edilən xəbər saytının baş redaktoru Aqil Qaraşovun narkotiklərin qanunsuz dövriyyəsi ilə bağlı Daxili İşlər Nazirliyinə ünvanladığı müraciətinə DİN-dən operativ reaksiya verilərək polis əməkdaşları tərəfindən dərhal müvafiq tədbirlərin həyata keçirildiyindən bəhs edilir.Sosial neqativ halların qarşısının alınması və narkotiklərin qanunsuz dövriyyəsinə qarşı aparılan qətiyyətli mübarizə tədbirlərinə, eyni zamanda müraciətlərə çevik reaksiya verilməsinə və operativliyə görə DİN rəhbərliyinə və Azərbaycan polisinə minnətdarlıq ifadə edilir.    
  

Sabirabad rayon sakini Şükufə Paşayeva üzləşdiyi oğurluq hadisəsi ilə bağlı etdiyi müraciətinin obyektiv araşdırıldığına və ona dəymiş maddi ziyanın ödənilməsində göstərilən köməkliyə görə Şirvan ŞPŞ-nin əməkdaşlarına minnətdarlığını bildirir.

Kürdəmir rayon sakini Nazim Əliyev Daxili İşlər Nazirliyinə ünvanladığı təşəkkür məktubunda DİN və DTİ-in rəhbərliyinə minnətdarlığını bildirir.

Saatlı rayon sakini Səmid Əzimov Daxili İşlər Nazirliyinə ünvanladığı təşəkkür məktubunda yataq xəstəsi olan övladının şəxsiyyət vəsiqəsi ilə təmin olunmasında göstərdikləri köməkliyə görə Saatlı RPŞ-nin əməkdaşlarına minnətdarlığını bildirir.

Salyan rayon sakini İlkin Ələkbərov Daxili İşlər Nazirliyinin “Instagram” səhifəsinə təşəkkür mesajı yazaraq üzləşdiyi problem ilə bağlı etdiyi müraciətinin müsbət həll olunmasına görə başda DİN rəhbərliyi olmaqla, Salyan RPŞ-nin rəhbərliyinə və əməkdaşlarına minnətdarlığını bildirir.

Ağsu rayon sakini Ülviyyə Bəndalıyeva xidməti vəzifələrini və peşə fəaliyyətlərini layiqincə yerinə yetirdiklərinə görə Ağsu RPŞ-nin əməkdaşlarına minnətdarlığını bildirir.

Mingəçevir şəhər sakini, şəhid atası Ariz İbrahimov DİN rəhbərliyinə ünvanladığı təşəkkür məktubunda xidməti vəzifələrini layiqincə yerinə yetirdiklərinə görə Mingəçevir ŞPŞ-nin əməkdaşlarına minnətdarlığını bildirir.

Mingəçevir şəhər sakini Fatimə Möhnətzadə müraciətinə operativ reaksiya verilməsinə görə DİN-in əməkdaşlarına minnətdarlığını bildirir.