Vətəndaş Elçin Lənbəranski avtomobil yollarında təhlükəsizliyin etibarlı təmin olunmasına, hətta səlahiyyətlərinə aid olmayan məsələ olsa da, polis əməkdaşlarının humanistliyinə, xoş rəftarlarına və nəzakətli davranışlarına görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.  

Bakı şəhər sakini Qafurə Babayeva hətta polisin səlahiyyətinə aid olmasa belə, vətəndaş məmnunluğu üçün müraciətlərə həssas yanaşılmasına, göstərilən humanistliyə və qayğıya görə DİN rəhbərliyinə, Nizami Rayon Plolis İdarəsinin və 23-cü Polis Bölməsinin əməkdaşlarına minnətdarlığını bildirir. 

Bakı şəhər sakini Asif Alsaxov Daxili İşlər Nazirliyinə ünvanladığı məktubunda narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə görə DİN rəhbərliyinə və Xəzər Rayon Polis İdarəsinin əməkdaşlarına minnətdarlığını bildirir, gecə-gündüz yorulmadan xidmət aparan, ictimai asayişi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.  

Abşeron rayon sakini Elmira Quliyeva sosial məişət probleminin həllində ona göstərilən köməkliyə görə DİN rəhbərliyinə təşəkkürünü bildirir. 

Vətəndaş İslam Vasanov üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyi başda olmaqla Yasamal Rayon Polis İdarəsinin və 28-ci Polis Bölməsinin əməkdaşlarına minnətdarlığını bildirir.  

Vətəndaş Arif Mustafayev müraciətinə həssas yanaşıldığına, yüksək peşəkarlıqla keçirilmiş operativ tədbirlərlə özünün və ailəsinin təhlükəsizliyinin təmin olunmasına görə DİN rəhbərliyinə və Pirallahı Rayon Polis İdarəsinin əməkdaşlarına minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır.

Şəhid ailə üzvü olan Toğrul Kərimov Daxili İşlər Nazirliyinə etdiyi müraciətinə həssas yanaşıldığını, göstərilən diqqət və qayğının, etimadın təqdirəlayiq olduğunu qeyd edir.

Goranboy rayon sakini Rauf Həsənov vətəndaş müraciətlərinə həssas yanaşılmasına, göstərilən diqqətə və operativliyə görə DİN rəhbərliyinə təşəkkürünü bildirir.

Quba rayon sakini Vüsal Ələnurov DİN rəhbərliyinə ünvanladığı təşəkkür məktubunda xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Quba RPŞ-nin əməkdaşlarına minnətdarlığını bildirir.