Saatlı rayon sakini Əlqədir Süleymanov Daxili İşlər Nazirliyinə ünvanladığı təşəkkür məktubunda yataq xəstəsi olan xalası R.Məmmədovanın yeni şəxsiyyət vəsiqəsi ilə təmin olunması ilə bağlı göstərilən köməkliyə görə Saatlı RPŞ-nin əməkdaşlarına minnətdarlığını bildirir.

Masallı rayon sakini Ağadədə Abasov DİN rəhbərliyinə ünvanladığı təşəkkür məktubunda vətəndaşlara qarşı göstərilən diqqətə və qayğıya, yüksək mədəni davranışa görə Masallı RPŞ-nin ictimai təhlükəsizlik bölməsinin əməkdaşlarına minnətdarlığını bildirir. 

Lənkəran rayon sakini Mahir Cəbrayılov müraciəti ilə əlaqədar Rayon Polis Şöbəsinin rəhbərliyi tərəfindən qəbul edildiyini, qəbuldan məmnun qaldığını bildirir və təşəkkürünü ifadə edir.

Astara rayonunun Ərçivan qəsəbə sakini Elvin Nəsirov vətəndaşların müraciətlərinə həssaslıqla yanaşılmasına, göstərilən diqqətə və köməyə görə Astara Rayon Polis Şöbəsinin əməkdaşlarına minnətdarlığını bildirir.

Cəlilabad rayon sakini Elnur Məmmədov DİN rəhbərliyinə ünvanladığı təşəkkür məktubunda xidməti vəzifələrinin öhdəsindən layiqincə gəldiyinə görə Göytəpə polis bölməsinin əməkdaşlarına minnətdarlığını ifadə edir.

“Res TV” internet televiziyasının rəhbəri Vüsalə Həsənli Vətən müharibəsi qazisinin pulunun dələduzluq yolu ilə mənimsənilməsi ilə bağlı etdiyi müraciətinin Bakı Şəhər Baş Polis İdarəsində obyektiv araşdırılaraq məsələyə hüquqi qiymət verildiyini və müsbət həll edildiyini qeyd edir. O, müraciətinə diqqətlə yanaşıldığına, obyektiv araşdırmalara və operativliyə görə DİN rəhbərliyinə və Bakı Şəhər Baş Polis İdarəsinin əməkdaşlarına təşəkkür edir, çətin və şərəfli xidmətlərində onlara uğurlar arzulayır.

“Detektiv Lyuks” qəzetinin baş redaktoru Vüqar Qazıyev polis-vətəndaş münasibətlərinin daha da yaxşılaşmasına, media nümayəndələri ilə sıx əlaqələrin yaradılmasına və informasiya əlçatanlığına görə Daxili İşlər Nazirliyinə təşəkkürünü bildirir.

Vətəndaş Azər Nəsirov “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, avtomobilini texniki baxışdan keçirmək üçün Baş Dövlət Yol Polisi İdarəsinin Sabunçu rayonunda yerləşən Müayinə mərkəzinə getdiyini, Müayinə mərkəzində əməkdaşların xoş rəftar və nəzakətli davranışlarını, ona göstərdikləri diqqət və qayğını qeyd edərək DİN rəhbərliyinə və BDYPİ-nin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Emin Quliyev bir qrup Xətai rayon sakini adından DİN-in “Instagram” səhifəsinə təşəkkür mesajı yazıb. O, yaşadıqları binanın giriş hissəsində nəqliyyat vasitələrinin yol kimi istifadə etməsinin sakinlərin həyatına təhlükə yaratması ilə bağlı müraciətinə Xətai Rayon Polis İdarəsində operativ baxıldığını, müvafiq tədbirlər görülərək qısa müddətdə problemlərinin həll olunduğunu qeyd edir.
E.Quliyev yol hərəkəti təhlükəsizliyinin təmin olunmasına və ictimai asayişin etibarlı qorunmasına görə DİN rəhbərliyinə və Xətai RPİ-nin əməkdaşlarına minnətdarlığını bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.