Vətəndaş Tərlan Əskərov Daxili İşlər Nazirliyinə ünvanlanan məktubda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Nərimanov Rayon Muhafizə İdarəsinin əməkdaşlarına və ümumilikdə Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır. 

Vətəndaş Aygün Məmmədova məktubunda soyğunçuluğa məruz qalması ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.

Bakı şəhər sakini Abuzər Cəfərli “Facebook” sosial şəbəkəsindəki hesabında Azərbaycan polisinə təşəkkür mesajı paylaşıb. O, Vətən müharibəsi şəhidlərinin şəhər və rayonlarda qarşılanması zamanı nəqliyyat vasitələrinin müşahidəsini təşkil edilməsi ilə bağlı hesabında müsbət fikirlər paylaşaraq DİN rəhbərliyinə təşəkkürünü bildirirb.

Bakı şəhər sakini Gülnarə Hüseynova hüquq pozmaya, avaraçılığa, dərsdən yayınmağa meyilli yeniyetmələrin təsir dairəsinə düşən oğlunun tərbiyə olunmasında, düzgün yola qayıtmasında, eləcə də dərslərinə davamiyyətinin düzəlməsində ona göstərdikləri köməkliyə görə Xətai RPİ-nin Yetkinlik yaşına çatmayanlarla profilaktiki işin təşkili bölməsinin rəhbərliyinə və əməkdaşlarına minnətdarlığını bildirir. 

Bakı şəhər sakini Rüfət Səfərov qonşusunun səs-küy salaraq ictimai asayişi pozması ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Xətai RPİ 36-cı Polis Bölməsinin rəhbərliyinə və əməkdaşlarına təşəkkürünü ifadə edir. 

Bir qrup vətəndaş məktublarında DİN-ə ünvanladığı müraciətlərinə operativ baxıldığını, obyektiv araşdırma aparılaraq qısa müddətdə müsbət həll olunduğunu qeyd edirlər. Müraciətlərinə həssas yanaşılmasına və obyektivliyə görə Azərbaycan Polisinə təşəkkürlərini bildirirlər.

Bakı şəhər sakinləri Leyla Sadıqova və Orxan Hüseynov onlara məxsus mobil telefonlarının itməsi ilə əlaqədar etdikləri müraciətə həssaslıqla yanaşılaraq, tez bir zamanda tapılmasına  görə Nəsimi RPİ 19-cu PB-nin və Bakı Metropilenində Polis Şöbəsinin əməkdaşlarına minnətdarlığını bildirir.

Bakı şəhər sakini, müharibə veteranı olan Nəbi Nəsirov məktubunda səhhətində yaranan narahatlıqlara görə bir müddət DİN-in Tibb İdarəsinin A.Heydərov adına Respublika Hospitalında müalicə aldığını yazır. O, hospitalda müalicə alan bütün xəstələrə, o cümlədən ona yüksək diqqət və qayğı göstərildiyini, sağlamlıqları üçün bütün zəruri tədbirlərin görüldüyünü qeyd edir.
N.Nəsirov DİN-in Tibb İdarəsinin A.Heydərov adına Respublika Hospitalında yaradılan gözəl şəraitə, həmçinin sağlamlıqlarının qayğısına qalan, gülərüz, savadlı və peşəkar tibbi personala görə DİN rəhbərliyinə və hospitalın əməkdaşlarına dərin təşəkkürünü bildirir. 

Sosial şəbəkə istifadəçisi Əsəd İsgəndərli üzləşdiyi oğurluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində cinayətkarların tutulmasında, eləcə də ona dəymiş maddi ziyanın ödətdirilməsində göstərdikləri köməkliyə görə Azərbaycan Polisinə minnətdarlığını bildirir.