Bakı şəhər sakini Elçin İbrahimov DİN-in “Instagram” səhifəsinə təşəkkür mesajı yazıb. O, müraciətinə operativ baxılaraq qısa müddətdə müsbət həll edildiyinə görə DİN rəhbərliyinə və Baş Pasport, Qeydiyyat və Miqrasiya İdarəsinin əməkdaşlarına minnətdarlığını bildirir.

Salyan rayon sakini Gülyaz Hüseynova Daxili İşlər Nazirliyinin “Instagram” səhifəsinə təşəkkür mesajı yazaraq üzləşdiyi problem ilə bağlı etdiyi müraciətinin müsbət həll olunmasına görə DİN rəhbərliyinə minnətdarlığını bildirir.

Yevlax rayon sakini Mustafa Mustafayev DİN rəhbərliyinə ünvanladığı təşəkkür məktubunda xidməti vəzifələrini layiqincə yerinə yetirdiklərinə görə Mingəçevir ŞPŞ-nin əməkdaşlarına minnətdarlığını bildirir.

Masallı rayon sakinləri Ceyhun Qurbanov, Tahir Ağayev, İlkanə Həsənova və Sənubər Həsənova DİN rəhbərliyinə ünvanladıqları təşəkkür məktublarında müraciətlərinin Masallı RPŞ-də obyektiv araşdırıldığını bildirirlər və minnətdarlıqlarını ifadə edirlər.

Cəlilabad rayon sakini Vüqar Quliyev öz təşəkkür məktubunda rayon ərazisində narkotik vasitələrin qanunsuz dövriyyəsinə qarşı aparılan qətiyyətli mübarizə tədbirlərinə görə Cəlilabad RPŞ-nin rəhbərliyinə minnətdarlığını ifadə edir.

Sumqayıt şəhər sakini Adil Əkbərov məktubunda müraciəti ilə əlaqədar Sumqayıt ŞPİ-nin 4-cü Polis Bölməsində araşdırma aparılaraq müvafiq tədbirlərin görüldüyünü yazır. O, obyektiv araşdırmaya və dəymiş maddi ziyanın ödətdirilməsində göstərilən köməkliyə görə DİN rəhbərliyinə və 4-cü Polis Bölməsinin əməkdaşlarına təşəkkürünü bildirir. 

Xırdalan şəhər sakini, jurnalist Gülağa Cəfərov məktubunda daxili işlər orqanlarının 105 illiyi münasibətilə DİN rəhbərliyini və Azərbaycan polisini təbrik edir. O, Cənub bölgəsində sürücülər arasında sorğu apardığını, həmin ərazidə Yol Patrul Xidməti əməkdaşlarının xidməti vəzifələrini layiqincə yerinə yetirdiklərinin şahidi olduğunu qeyd edir, həmin əməkdaşlara da çətin və şərəfli xidmətlərində uğurlar arzulayır. 

Sumqayıt şəhər sakini Elçin Cəfərov məktubunda müraciəti ilə əlaqədar Naxçıvan MR Daxili İşlər Nazirliyində araşdırma aparılaraq qısa müddətdə müraciətinin müsbət həll olunduğunu yazır. O, aparılan obyektiv araşdırmalara və göstərilən köməkliyə görə Azərbaycan Respublikası Daxili İşlər Nazirliyinin və    Naxçıvan MR Daxili İşlər Nazirliyinin rəhbərliyinə və əməkdaşlarına təşəkkürünü bildirir. 

Bakı şəhər sakini Sakin Həmidov məktubunda 27.06.2023-cü il tarixdə hava limanı ərazisində “Mercedes Vito” markalı nəqliyyat vasitəsinin yanması faktı ilə bağlı aparılan araşdırmaya və polis əməkdaşları tərəfindən görülən opertiv tədbirlərə görə DİN rəhbərliyinə minnətdarlığını bildirir.