Vətəndaş Dürdanə Muradova DİN-in “Instagram” səhifəsinə yazdığı mesajında üzləşdiyi problemlə əlaqədar Nəsimi Rayon Polis İdarəsinin 22-ci Polis Şöbəsinə etdiyi müraciətinə operativ baxıldığını, obyektiv araşdırılaraq müsbət həll edildiyini və dəymiş ziyanın ödətdirilməsində də köməklik göstərildiyini bildirir.O, vətəndaş müraciətlərinə həssas yanaşılmasına görə DİN rəhbərliyinə, göstərilmiş köməklik üçün Nəsimi RPİ-nin əməkdaşlarına təşəkkür edir.

Goranboy rayon sakini Aysel Əhmədova DİN-in “Instagram” səhifəsinə yazdığı mesajında Daxili İşlər Nazirliyinə ünvanladığı müraciəti üzrə Goranboy Rayon Polis Şöbəsində obyektiv araşdırma aparıldığını və qısa müddətdə müsbət həll olunduğu qeyd edərək vətəndaş müraciətlərinə, o cümlədən onun müraciətinə həssas yanaşılmasına görə DİN rəhbərliyinə təşəkkür edir.

Şahbuz rayon sakini Əli Quliyev məktubunda üzləşdiyi yol-nəqliyyat hadisəsi ilə bağlı Şahbuz Rayon Polis Şöbəsində aparılan araşdırmanın nəticəsindən razı qaldığını və dəymiş maddi ziyanın da ödətdirilməsində köməklik göstərildiyini bildirir. O, obyektivliyə, operativliyə və müraciətinin müsbət həll olunmasında göstərilmiş köməkliyə görə Şahbuz Rayon Polis Şöbəsinin əməkdaşlarına təşəkkür edir.

Şahbuz rayon sakini Əzbər Quliyev məktubunda üzləşdiyi problemlə bağlı Şahbuz Rayon Polis Şöbəsinə etdiyi müraciətinə operativ baxıldığını, obyektiv araşdırılaraq müsbət həllinin təmin edildiyini bildirir. O, vətəndaş müraciətlərinə həssas yanaşılmasına, vətəndaş məmnunluğu üçün yaradılan şəraitə, eləcə də göstərilən köməkliyə görə Azərbaycan Respublikası və Naxçıvan Muxtar Respublikası Daxili İşlər nazirliklərinin rəhbərliklərinə və Azərbaycan polisinə təşəkkür edir, çətin və şərəfli xidmətlərində uğurlar arzulayır. 

Naxçıvan şəhər sakini Kənan Əliyev DİN-in “Instagram” səhifəsinə yazdığı mesajında Naxçıvan Muxtar Respublikası Daxili İşlər Nazirliyinə etdiyi müraciəti üzrə Naxçıvan Şəhər Polis İdarəsində obyektiv araşdırma aparıldığını və müraciətinin müsbət həll olunduğunu bildirir. O, vətəndaş müraciətlərinə həssas yanaşılmasına görə Azərbaycan Respublikası və Naxçıvan Muxtar Respublikası Daxili İşlər nazirliklərinin rəhbərliklərinə, göstərilən diqqət və köməkliyə görə Naxçıvan ŞPİ-nin əməkdaşlarına təşəkkür edir.

Babək rayon sakini Faiq İsmayılov teleqramında rayon ərazisində yol nişanlarının quraşdırılması ilə bağlı Naxçıvan Muxtar Respublikası Daxili İşlər Nazirliyinə etdiyi müraciətinə operativ baxıldığını və Babək Rayon Polis İdarəsinin əməkdaşlarının həmin ünvana gələrək müvafiq tədbirlər həyata keçirdiklərini yazır.O, vətəndaş müraciətlərinə həssas yanaşılmasına və avtomobil yollarında təhlükəsizliyin etibarlı təmin olunmasına görə DİN rəhbərliyinə minnətdarlığını bildirir.

Bakı şəhər sakini, şəhid ailəsi olan Natavan Həsənova məktubunda Daxili İşlər Nazirliyinə ünvanladığı müraciəti ilə əlaqədar Nəsimi Rayon Polis İdarəsində qəbul edildiyini və obyektiv araşdırma aparılaraq müraciətinin qısa müddətdə müsbət həll olunduğunu qeyd edir.O, şəhid ailələrinə, o cümlədən ona göstərilən yüksək diqqət və qayğıya görə özü və ailəsinin adından DİN rəhbərliyinə təşəkkürünü bildirir.

Naxçıvan Muxtar Respublikası Şahbuz rayonunun Aşağı Qışlaq kənd sakini Ələddin Hüseynov məktubunda Şahbuz Rayon Polis Şöbəsinin əməkdaşlarına təşəkkürünü bildirir.

Bakı şəhər sakini Səkinə Məmmədzadə məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.