Modern.az saytının redaktoru Elşad Eyvazlı müraciətinə həssas yanaşılmasına, operativ baxılaraq qısa müddətdə həll olunmasına, həmçinin göstərilən diqqətə, xoş rəftar və nəzakətli davranışlarına görə Nizami Rayon Polis İdarəsinin Dövlət Yol Polisi Şöbəsinin əməkdaşlarına təşəkkürünü bildirir. 

Sumqayıt şəhər sakini Binyət Məlikov atasını 90 illik yubileyi münasibətilə təbrik edən Sumqayıt Şəhər Polis İdarəsinin  rəhbərliyinə və şəxsi heyətinə minnətdarlığını bildirir.

Bakı şəhər sakini Seymur Əliyev üzləşdiyi problemlə bağlı müraciətinə həssaslıqla yanaşılaraq, həlli istiqamətində peşəkarlıq nümayiş etdirdiklərinə görə Azərbaycan Polisinə minnətdarlığını bildirir.

Vətəndaş Zamiq Nuriyev elektrikli velosipedinin oğurlanması ilə bağlı müraciətinə operativ baxılaraq tez bir zamanda tapılıb ona təhvil verilməsində göstərdikləri köməkliyə görə Nərimanov RPİ 16-cı Polis Bölməsinin əməkdaşlarına təşəkkürünü bildirir. O, Azərbaycan Polisinin operativliyini təqdir edir. 

Vətəndaş Vasif Hüseynov müraciətinə operativ baxılaraq probleminin həllini tapmasında göstərdikləri köməkliyə görə Azərbaycan Polisinə təşəkkürünü bildirir, çətin və şərəfli xidməti fəaliyyətlərində uğurlar diləyir.

Vətəndaş Ruslan Qorçiyev ona qarşı edilən dələduzluqla bağlı müraciətinə tez bir zamanda baxılaraq dəyən ziyanın ödətdirilməsində göstərdikləri köməkliyə görə Nərimanov RPİ 16-cı Polis Bölməsinin əməkdaşlarına təşəkkürünü bildirir. O, Azərbaycan Polisinin peşəkar xidməti fəaliyyətini təqdir edir.

Vətəndaş Gülnar Mikayılova müraciətinə tez bir zamanda baxılaraq ona dəyən ziyanın ödənilməsində göstərdikləri köməkliyə görə Bakı Şəhər Baş Polis İdarəsinin əməkdaşlarına təşəkkürünü bildirir. O, müraciətlərə həssaslıqla yanaşılmasını yüksək dəyərləndirir.

Vətəndaş Validə Ədilova müraciətinə operativ baxılaraq onu narahat edən məsələnin tez bir zamanda həllini tapmasında göstərdikləri köməkliyə görə Binəqədi RPİ 5-ci Polis Bölməsinin əməkdaşlarına təşəkkürünü ifadə edir. O, Azərbaycan Polisinin hər bir vətəndaşın çətin anında yanında olub, hüquqlarının qorunmasında əsl peşəkarlıq nümayiş etdirdiyini  bildirir.

Qazi atası İlyas Məmmədov ölkə və DİN rəhbərliyi tərəfindən şəhid ailələrinə, qazilərə göstərilən diqqət və qayğını yüksək dəyərləndirir. O, ailə problemlərinin həllini tapmasında onlara göstərilən köməkliyə görə Sabunçu Rayon Polis İdarəsinin əməkdaşlarına təşəkkürünü bildirir.