Gəncə şəhər sakini Kamil Qasımov ünvanladığı müraciətinə operativ baxıldığını, Gəncə şəhər Baş Polis İdarəsi tərəfindən obyektiv araşdırılaraq qısa müddətdə müsbət həll olunduğunu qeyd edərək polis əməkdaşlarına minnətdarlığını bildirir.

Bakı şəhər sakini Elnarə Musayeva məktubunda üzləşdiyi dələduzluq faktı ilə bağlı müraciəti ilə əlaqədar Binəqədi Rayon Polis İdarəsində obyektiv araşdırma aparılaraq məsələyə hüquqi qiymət verildiyini və dəymiş maddi ziyanın ona ödətdirilməsində köməklik göstərildiyini qeyd edir. O, müraciətinə diqqətlə yanaşıldığına, obyektiv araşdırmalara və operativliyə görə DİN rəhbərliyinə və Binəqədi Rayon Polis İdarəsinin əməkdaşlarına təşəkkür edir, çətin və şərəfli xidmətlərində onlara uğurlar arzulayır.

Bakı şəhər sakini Ramil Əliyev DİN-in “Instagram” səhifəsinə təşəkkür mesajı yazıb. O, oğurluq faktı ilə bağlı müraciəti ilə əlaqədar Binəqədi Rayon Polis İdarəsi və 43-cü Polis Bölməsi əməkdaşlarının həyata keçirdikləri tədbirlər nəticəsində bu cinayətin üstünün qısa müddətdə açıldığını qeyd edir. 
R.Əliyev müraciətinə diqqətlə yanaşıldığına və həyata keçirilən operativ tədbirlərə görə DİN rəhbərliyinə və Binəqədi Rayon Polis İdarəsinin əməkdaşlarına təşəkkür edir, çətin və şərəfli xidmətlərində onlara uğurlar arzulayır.

Sumqayıt şəhər sakini Fəridə Kərimova onlayn müraciətinə operativ şəkildə baxılaraq, probleminin tez bir zamanda həllini tapmasında göstərdikləri köməkliyə görə daxili işlər orqanları əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Bakı şəhər sakini Əfsanə Məmmədova DİN rəhbərliyinə ünvanladığı təşəkkür məktubunda şikayətinə tez bir zamanda baxılaraq hüquqlarının qorunmasında ona göstərdikləri köməkliyə görə Binəqədi RPİ-nin 43-cü Polis Bölməsinin əməkdaşlarına təşəkkürünü bildirir.

Bakı şəhər sakini Anar Mehdizadə müraciətinə tez bir zamanda baxılaraq probleminin həllini tapmasında ona göstərdikləri köməkliyə görə Nəsimi RPİ-nin 19-cu Polis Şöbəsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasının polis-vətəndaş münasibətlərinin daha da yaxşılaşmasına zəmin yaratdığını qeyd edir.

Vətəndaş Şirasdan Vəliyev DİN rəhbərliyinə ünvanladığı təşəkkür məktubunda şikayətinə tez bir zamanda baxılaraq hüquqlarının qorunmasında ona göstərdikləri köməkliyə görə Azərbaycan Polisinə təşəkkürünü bildirir.

Vətəndaş Kəmalə Məmmədova itirdiyi pul kisəsinin tez bir zamanda tapılıb ona təhvil verilməsində göstərdikləri köməkliyə görə Binəqədi RPİ-nin 5-ci Polis Bölməsinin əməkdaşlarına təşəkkürünü bildirir.

Gəncə şəhər sakini Aytac Rzayeva onu narahat edən məsələnin nəzarətə götürülərək tez bir zamanda müsbət həllini tapmasında göstərdikləri köməkliyə görə Gəncə şəhər Baş Polis İdarəsinin əməkdaşlarına təşəkkürünü bildirir.