Vətəndaş Şəbnəm Novruzova DİN-in “Instagram” səhifəsinə yazdığı mesajında pozulmuş hüquqlarının bərpası ilə bağlı Naxçıvan Şəhər Polis İdarəsinin 1-ci Polis Bölməsinə etdiyi müraciətinə operativ baxıldığını, obyektiv araşdırılaraq müvafiq tədbirlərin həyata keçirildiyini və pozulmuş hüquqlarının bərpa edilməsinin təmin olunduğunu bildirir. O, vətəndaş müraciətlərinə həssas yanaşılmasına görə DİN rəhbərliyinə minnətdarlığını bildirir.    

Vətəndaş Yadigar Novruzov teleqramında vətəndaş müraciətlərinə, o cümlədən onun müraciətinə həssas yanaşılmasına, vətəndaş məmnunluğu üçün yaradılan şəraitə və  müraciətinin qısa müddətdə müsbət həll edilməsində göstərilən köməkliyə görə DİN rəhbərliyinə minnətdarlığını ifadə edir.

Ağcabədi rayon sakini Fərhad Quliyev Daxili İşlər Nazirliyinə ünvanladığı məktubunda rayon ərazisində ictimai asayişin və ictimai təhlükəsizliyin təmin olunmasına görə DİN rəhbərliyinə və xidməti vəzifələrini layiqincə yerinə yetirən Ağcabədi Rayon Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Culfa rayon sakini Şahsuvar Həsənov teleqramında vətəndaş müraciətlərinə, o cümlədən onun müraciətinə həssas yanaşılmasına və qısa müddətdə müsbət həll edilməsinə görə DİN rəhbərliyinə minnətdarlığını bildirir.  

Vətəndaş Nazim Quliyev DİN-in “Instagram” səhifəsinə yazdığı mesajında üzləşdiyi problemlə bağlı müraciəti üzrə Nərimanov Rayon Polis İdarəsinin 16-cı Polis Şöbəsində aparılan obyektiv araşdırmalar nəticəsində müraciətinin müsbət həll olunduğunu və dəymiş maddi ziyanın da ödətdirilməsində köməklik göstərildiyini bildirir. O, vətəndaş müraciətlərinə həssas yanaşılmasına görə DİN rəhbərliyinə, göstərilmiş köməklik üçün Nərimanov RPİ-nin əməkdaşlarına təşəkkür edir.   

Vətəndaş Esmira Qurbanova DİN-in “Instagram” səhifəsinə təşəkkür mesajı yazıb. O, üzləşdiyi dələduzluqla bağlı Nəsimi Rayon Polis İdarəsinin 20-ci Polis Şöbəsinə müraciət etdiyini, obyektiv araşdırmalarla qısa müddətdə müsbət həll olunduğunu və dəymiş ziyanın ödətdirilməsinin də təmin edildiyini bildirir. O, vətəndaş müraciətlərinə həssas yanaşılmasına görə DİN rəhbərliyinə, həyata keçirilmiş tədbirlərə görə Nəsimi RPİ-nin əməkdaşlarına təşəkkür edir.

Vətəndaş Salatın Əhmədova DİN-in “Instagram” səhifəsinə təşəkkür mesajı yazıb. O, üzləşdiyi problemlə bağlı Nərimanov Rayon Polis İdarəsinin 16-cı Polis Şöbəsinə etdiyi müraciətinə operativ baxılaraq müvafiq tədbirlərin görüldüyünü bildirir. S.Əhmədova şəhid ailələrinə, o cümlədən ona göstərilən yüksək diqqət və qayğıya görə DİN rəhbərliyinə və Nərimanov RPİ-nin əməkdaşlarına təşəkkürünü bildirir, çətin və şərəfli xidmətlərində onlara uğurlar arzulayır. 
 

Vətəndaş Əhməd Rzayev mesajında Nərimanov rayonu ərazisində üzləşdiyi yol-nəqliyyat hadisəsi ilə bağlı Nərimanov Rayon Polis İdarəsinin Dövlət Yol Polisi Şöbəsinin əməkdaşları tərəfindən obyektiv araşdırma aparıldığını və müsbət həll olunduğunu qeyd edərək xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır. 

Bakı şəhər sakini Malik Şükürov məktubunda Suraxanı rayonu ərazisində polis əməkdaşlarının vətəndaşların müraciətlərinə diqqətlə yanaşmasına, üzləşdikləri problemlərlə bağlı göstərdikləri köməkliyə görə DİN rəhbərliyinə və Suraxanı RPİ-nin əməkdaşlarına minnətdarlığını bildirir, çətin və şərəfli xidmətlərində uğurlar arzulayır.