Sosial şəbəkə istifadəçisi Ziba Rəhimova üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Nərimanov RPİ 16-cı Polis Bölməsinin rəisinə və əməkdaşlarına təşəkkürünü ifadə edir. 

Vətəndaş Səfər Meyrəliyev pozulmuş hüquqlarının bərpa olunmasında göstərdikləri köməkliyə görə Azərbaycan Polisinə minnətdarlığını yazır.

Sabirabad rayon sakini Kamil Məmmədli Daxili İşlər Nazirliyinə ünvanladığı məktubunda üzləşdikləri problem ilə bağlı etdikləri müraciətə operativ reaksiya verildiyinə görə DİN rəhbərliyinə və Şirvan ŞPŞ-nin əməkdaşlarına təşəkkürünü bildirir.

Şirvan şəhər sakini İlqar Abdullayev DİN-ə ünvanladığı təşəkkür məktubunda şəhər ərazisində ictimai təhlükəsizliyin və ictimai sabitliyin təmin olunmasına, eləcə də narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə görə başda DİN rəhbərliyi olmaqla, Şirvan ŞPŞ-nin rəhbərliyinə və əməkdaşlarına minnətdarlığını bildirir.

Sabirabad rayon sakini Qızılgül Soltanova Daxili İşlər Nazirliyinə ünvanladığı məktubunda etdiyi müraciətinin obyektiv araşdırıldığına görə DİN rəhbərliyinə minnətdarlığını bildirir.

Bərdə rayon sakini Əvəz Atakişiyev məktubunda rayon ərazisində ictimai asayişin etibarlı qorunmasına, cinayətkarlığa qarşı aparılan qətiyyətli mübarizə tədbirlərinə, həmçinin vətəndaş müraciətlərinə həssas yanaşılmasına görə DİN rəhbərliyinə və Bərdə Rayon Polis Şöbəsinin əməkdaşlarına təşəkkürünü bildirir, polis əməkdaşlarına çətin və şərəfli xidmətlərində uğurlar arzulayır.  

Sumqayıt şəhər sakini Zaur Quliyev məktubunda şəhər ərazisində ictimai asayişin etibarlı qorunmasına, cinayətkarlığa, o cümlədən narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə görə DİN rəhbərliyinə və Sumqayıt Şəhər Polis İdarəsinin 5-ci Polis Bölməsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Şirvan şəhər sakini, şəhid atası Əliqardaş Əliyev Daxili İşlər Nazirliyinə ünvanladığı məktubunda xidməti vəzifələrini və peşə fəaliyyətini layiqincə yerinə yetirdiklərinə görə başda DİN rəhbərliyi olmaqla, Şirvan ŞPŞ-nin rəhbərliyinə və əməkdaşlarına təşəkkürünü bildirir.

Bir qrup Goranboy rayon sakinləri öz təşəkkür məktublarında müraciətlərinə operativ baxılaraq, obyektiv araşdırma aparılmasına və problemlərinin müsbət həllini tapmasında onlara göstərilən köməkliyə görə Xocalı Rayon Polis Şöbəsinin əməkdaşlarına minnətdarlıqlarını ifadə edirlər.