Lənkəran rayon sakinləri Əli Şükürov və Əsmər Şükürzadə müraciətləri ilə əlaqədar Baş İstintaq və Təhqiqat İdarəsində qəbul edilərək lazımi hüquqi izahların verilməsinə və müraciətlərinə baxılması ilə bağlı görülən tədbirlərə görə öz təşəkkürlərini bildirirlər.

Vətəndaş Flora Cabbarova məktubunda müraciətlərin obyektiv şəkildə araşdırılmasına və vətəndaş məmnunluğunun təmin edilməsinə görə Gəncə Şəhər Baş Polis İdarəsinin rəhbərliyinə və təhqiqat şöbəsinin əməkdaşlarına təşəkkürünü bildirir.

Masallı rayon sakini İsmət Əmirova məktubunda müraciəti ilə əlaqədar Masallı Rayon Polis Şöbəsinin rəhbərliyi tərəfindən qəbul edildiyini, aparılan araşdırmanın gedişindən razılığını bildirir və məmnunluğunu ifadə edir.

Biləsuvar rayon sakini İlahə Əliyeva müraciəti ilə əlaqədar ona çevik qaydada köməklik göstərilməsinə rayon polis şöbəsinin əməkdaşlarına təşəkkkürünü bildirir.

Vətəndaş Cəlil Zabidov DİN-in “Facebook” səhifəsinə mesajında üzləşdiyi problemlə bağlı polisə müraciət etdiyini, müraciətinin qısa müddətdə müsbət həll olunmasına görə Azərbaycan Polisinə minnətdarlığını bildirir.

Vətəndaş Sevinc Zeynalova DİN-in “Instagram” səhifəsinə mesajında üzləşdiyi problemlə bağlı polisə müraciət etdiyini, obyektivliyə, müraciətinin qısa müddətdə müsbət həll olunmasına görə Xətai RPİ-nin 35-ci Polis Bölməsinin əməkdaşlarına minnətdarlığını ifadə edir.

Vətəndaş İlkin Ağasizadə DİN-in “Instagram” səhifəsinə mesajında iştirak etdiyi yol-nəqliyyat hadisəsinin obyektiv araşdırılaraq probleminin müsbət həll olunduğuna görə DİN rəhbərliyinə və  Nərimanov Rayon Polis İdarəsinə minnətdarlığını ifadə edir.

Vətəndaş Sərxan Zeynalov DİN-in “Instagram” səhifəsinə mesajında pulqabısını itirməsilə bağlı polis əməkdaşlarının operativliyi nəticəsində qısa müddətdə pulqabısının tapılaraq ona təhvil verildiyini qeyd edir, müraciətinə həssas yanaşılmasına görə Naxçıvan Şəhər Polis İdarəsinin əməkdaşlarına təşəkkürünü bildirir.

Vətəndaş Tuqay Məmmədov “Facebook” sosial şəbəkəsi vasitəsilə ictimailəşdirilmiş probleminə DİN tərəfindən operativ reaksiya verildiyini, Qaradağ Rayon Polis İdarəsində obyektiv araşdırma aparıldığını və qısa müddətdə müsbət həllinin təmin olunduğunu bildirir. O, vətəndaş müraciətlərinə həssas yanaşılmasına görə DİN rəhbərliyinə, həyata keçirilmiş tədbirlərə görə Qaradağ RPİ-nin əməkdaşlarına təşəkkür edir.