Vətəndaş Həzinə Abbasova məktubunda üzləşdiyi dələduzluq faktı ilə bağlı müraciəti ilə əlaqədar Nərimanov Rayon Polis İdarəsinin 16-cı Polis Bölməsində obyektiv araşdırma aparılaraq məsələyə hüquqi qiymət verildiyini və dəymiş maddi ziyanın ona ödətdirilməsində köməklik göstərildiyini qeyd edir. O, müraciətinə diqqətlə yanaşıldığına, obyektiv araşdırmalara və operativliyə görə DİN rəhbərliyinə və Nərimanov Rayon Polis İdarəsinin əməkdaşlarına təşəkkür edir, çətin və şərəfli xidmətlərində onlara uğurlar arzulayır.

Vətəndaş Rauf Dünyamalıyev məktubunda üzləşdiyi yol-nəqliyyat hadisəsi ilə bağlı müraciətinə çevik reaksiya verildiyini, Nərimanov Rayon Polis İdarəsinin Dövlət Yol Polisi Şöbəsinə dəvət olunaraq dinlənildiyini və müvafiq araşdırmalara başlanıldığını bildirir. R.Dünyamalıyev vətəndaş müraciətlərinə, o cümlədən onun müraciətinə çevik reaksiya verilməsinə, dəvət olunaraq yüksək hörmətlə qarşılanmasına, xoş rəftar və nəzakətli davranışa, göstərilən diqqət və qayğıya, eyni zamanda obyektiv araşdırmalara görə DİN rəhbərliyinə və Nərimanov Rayon Polis İdarəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.  

Lənkəran şəhər sakini Şükür Bayramov məktubunda Baş Dövlət Yol Polisi İdarəsinin Lənkəran şəhərində 5 saylı rayonlararası qeydiyyat-imtahan və texniki baxış şöbəsində vətəndaş məmnunluğu üçün yaradılan şəraitə və şöbə əməkdaşlarının operativ xidmətinə görə DİN rəhbərliyinə təşəkkürünü bildirir.  

Bakı şəhər sakini Zaur Əhmədov DİN-in “Facebook” səhifəsinə təşəkkür mesajı yazıb. O, müraciətinə operativ baxılaraq müsbət həll olunduğuna görə DİN rəhbərliyinə və Abşeron Rayon Polis İdarəsinin əməkdaşlarına minnətdarlığını bildirir.

Bakı şəhər sakini Mansur Məhsulov Daxili İşlər Nazirliyinə ünvanladığı məktubunda respublikamızda ictimai asayişi ayıq-sayıq qoruyan, cinayətkarlıqla qətiyyətli mübarizə aparan, öz üzərinə düşən vəzifələri layiqincə yerinə yetirən Azərbaycan polisinə təşəkkürünü bildirir, çətin və şərəfli xidmətlərində uğurlar arzulayır.

Goranboy rayon sakini Aytən Cəfərova Daxili İşlər Nazirliyinə ünvanladığı teleqramda müraciətinə diqqətlə yanaşıldığına və araşdırılaraq qısa müddətdə müsbət həll edildiyinə görə DİN-in Maliyyə-Plan İdarəsinin rəhbərliyinə və əməkdaşlarına təşəkkürünü bildirir.

Abşeron rayon sakini Cəsarət Həmidov üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Abşeron RPİ Saray Bölməsinin rəisinə və əməkdaşlarına minnətdarlığını bildirir. 

Bakı şəhər sakini Nailə Əmirova iki nəfərin ona yaxınlaşaraq bankomatdan pul çıxarması üçün kömək edə biləcəklərini söylədiklərini yazır. Qeyd edir ki, həmin şəxslər çıxardıqları pulu da götürərək naməlum istiqamətdə qaçıblar. Cinayətkarların tutularaq məsuliyyətə cəlb olunmasında, eləcə də ona dəymiş maddi ziyanın qaytarılmasında göstərdikləri köməkliyə görə Pirallahı RPİ-nin rəhbərliyinə və şəxsi heyətinə minnətdarlığını bildirir. 

Bakı şəhər sakini Cabir Qurbanlı üzləşdiyi problemlə əlaqədar etdiyi müraciətə həssaslıqla yanaşılaraq həll olunmasında, eləcə də hüquqlarının bərpasında göstərdikləri köməkliyə görə Azərbaycan Polisinə təşəkkürünü ifadə edir.