Vətəndaş Mətanət Arzumanova sosial şəbəkədə təhqir olunması ilə əlaqədar müraciət etdiyini, bu halın polis əməkdaşları tərəfindən araşdırılaraq aradan qaldırıldığını və günahkar şəxsin qanunamüvafiq formada cəzalandırıldığını yazır. Buna görə Nəsimi RPİ-nin əməkdaşlarına minnətdarlığını bildirir. 

Sosial şəbəkə istifadəçisi Əkbər Məmmədov üzləşdiyi oğurluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində cinayəti törədən şəxsin saxlanılmasında, eləcə də ona dəymiş ziyanın ödətdirilməsində göstərdikləri köməkliyə görə Binəqədi RPİ 43-cü Polis Bölməsinin rəhbərliyinə və şəxsi heyətinə təşəkkürünü ifadə edir. 

Bakı şəhər sakini Müşviq Həsənov naməlum şəraitdə itirdiyi mobil telefonunun tapılaraq işlək vəziyyətdə ona qaytarılmasında göstərdikləri köməkliyə görə Nərimanov RPİ 16-cı Polis Bölməsinin rəisinə və əməkdaşlarına minnətdarlığını yazır.

Sosial şəbəkə istifadəçisi Gülyaz İsgəndərova avtomobil idarə edərkən qəfl halının pisləşdyini, yaxınlıqdakı yol polislərindən kömək istədiyini yazır. Bildirir ki, dərhal polis əməkdaşları ona yardım göstərmiş, eyni zamanda təcili tibbi yardım çağırmışdır. Buna görə baş Dövlət Yol Polisi İdarəsinin rəhbərliyinə və əməkdaşlarına təşəkkürünü bildirir. 

Sumqayıt şəhər sakini Aytən Bayramova üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Sumqayıt ŞPİ 1-ci Polis Bölməsinin rəisinə və əməkdaşlarına təşəkkürünü bildirir. 

Bir qrip vətəndaş Farida Abdullayeva, şəhid bacısı Sədaqət Rəhimova, Vilayət Məmmədov və Arif Guler üzləşdikləri dələduzluq hadisəsi ilə əlaqədar etdikləri müraciətə operativ reaksiya verilərək qısa zaman kəsiyində həll olunmasında, eləcə də onlara dəymiş maddi ziyanın ödətdirilməsində göstərdikləri köməkliyə görə Azərbaycan Polisinə təşəkkürlərini bildirirlər.

Sosial şəbəkə izləyicisi Nicat Cəfərov və “ABC” saytının redaktoru Elmir Muradov etdikləri müraciətlərinə operativ baxılaraq, obyektiv araşdırma aparılmasına və problemlərinin müsbət həllini tapmasında onlara göstərilən köməkliyə görə DİN rəhbərliyi başda olmaqla Azərbaycan Polisinə minnətdarlıqlarını ifadə edirlər.

Vətəndaş Ağasif Şakiroğlu və Nazim Hüseynov məktublarında gecə-gündüz yorulmadan xidmət aparan, ictimai asayişi və ictimai təhlükəsizliyi ayıq-sayıq qoruyan, xidməti vəzifələrini layiqincə yerinə yetirən Dövlət Yol Polisi İdarəsinin əməkdaşlarına minnətdarlığını bildirir, çətin və şərəfli xidmətlərində uğurlar arzulayırlar.  

Vətəndaş Xanım Quşiyeva qonşusu tərəfindən təhqir olunması ilə əlaqədar sosial şəbəkə üzərindən Daxili İşlər Nazirliyinə ünvanladığı müraciətlə əlaqədar ərazi polis orqanına çağırılaraq şikayətinin araşdırıldığını bildirir. X.Quşiyeva göstərilən diqqətə görə Azərbaycan Polisinə minnətdarlığını ifadə edir.